पोखरामा निर्माणाधीन अन्तर्राष्ट्रिय विमानस्थल सञ्चालनका लागि गण्डकी प्रदेश सरकारले चासो देखाएको छ । विमानस्थल निर्माण करिब अन्तिम चरणमा पुगेपछि सरकारले आवश्यक पूर्व तयारीका लागि समिति बनाएको हो ।
विमानस्थल सञ्चालनमा अवरोध हुन सक्ने भन्दै त्यसलाई रोक्न समितिले काम गर्नेछ । पर्यटन मन्त्री मणिभद्र शर्माको संयोजकत्वमा ९ सदस्यीय कमिटी गठन भएको छ । गण्डकी सरकारका प्रमुख सचिव, योजना आयोगका उपाध्यक्ष, अर्थ मन्त्रालय र भौतिक पूर्वाधार मन्त्रालय सचिव, उद्योग वाणिज्य संघ पोखराका अध्यक्ष र परियोजनाका प्रमुख सदस्य छन् भने पर्यटन मन्त्रालयका सचिवलाई सदस्यसचिवको जिम्मेवारी दिइएको छ ।
समितिले विमानस्थल सञचालनमा ल्याउन देखा परेका समस्या खोज्ने र समाधानको पहल गर्ने सरकारका प्रवक्ता कुमार खड्काले जानकारी दिए । ‘डाँडा काट्नेदेखि ढल व्यवस्थापन र ल्यान्डफिल स्थानान्तरणको समस्या जटिल रुपमा उठेको छ । त्यो समाधान पनि यही समितिले गर्ने छ,’ उनले भने, ‘अरु केही समस्या भए खोजी गर्ने र समाधानको पहल गर्नेछ ।’
उत्तरपट्टि रिठ्ठेपानीमा रहेको डाँडा काट्नेदेखि उडान रुटमा पर्ने ल्यान्डफिल साइट हटाउने र एयरपोर्टमा अनियन्त्रित रुपमा पस्ने पानी व्यवस्थापन चुनौतीपूर्ण देखिएको छ । विमानस्थल निर्माणको काम ८० प्रतिशत भन्दा बढी भैसकेको छ । २२ अर्ब लागतमा अन्तर्राष्ट्रिय मापदण्डको विमास्थल बनाउन थालिएको हो । यद्यपि यहाँको भूगोलका कारण ठूला जहाज भने आउजाउ गर्न नसक्ने विज्ञहरुले बताएका छन् ।
सोही बैठकले दमौली अस्पतालको स्तरोन्नतिमा थप जग्गा माग्ने निर्णय गरेको हो । संघ सरकारसँग विभिन्न कार्यालयको नाममा भएका १८ रोपनीभन्दा बढी जग्गा अस्पतालको नाममा दिन आग्रह गरेको हो । कृषि तथा पशुपक्षी कार्यालयको नाममा भएको ९ रोपनी र साविक जिल्ला विकास समितिको नाममा रहेको करिब ९ रोपनी गरी १८ रोपनी जग्गा अस्पतालको नाममा स्वामित्व दिन आग्रह गरिएको हो । यदि स्वामित्व दिन नमिले लिजमा मागिएको प्रवक्ता खड्काले बताए ।
कात्तिक ३ गते बसेको बैठकले नीति तथा योजना आयोगको प्रतिवेदन प्रदेशसभामा पेस गर्ने निर्णय गरेको थियो भने अस्पताल व्यवस्थापन समितिको गठन आदेश संशोधन गरेको छ । यसअघि व्यवस्थापन समिति ७ सदस्यीय हुनेमा अहिले २ थपेर ९ पु¥याएको छ ।
सोही बैठकले सवारी साधन व्यवस्थापन गर्न अर्को समिति गठन गरेको छ । मुख्यमन्त्री कार्यालयको सचिव संयोजक रहेको भौतिक र अर्थ मन्त्रालय सचिव सदस्य रहने गरी सवारीसाधन व्यवस्थापन तथा परिचालन समिति गठन भएको हो । समितिले प्रदेशमा भएका गाडी पहिचान गरेर मर्मत सहित प्रयोगमा ल्याउने छ । प्रदेश सरकारले यसअघि नै समान मूल्य र प्रकृतिका गाडी खरिद गर्ने निर्णय गरेको थियो ।
कात्तिक ८ गते बसेको बैठकले घरेलु तथा साना उद्योग कार्यालयका ११ जिल्ला तथा पर्यटन कार्यालय पोखराका लागि ९२ जना कर्मचारी करारमा नियुक्त गर्ने निर्णय गरेको छ । यस्तै, नमुना कार्यालय छनोट कार्यविधि स्वीकृत गर्ने निर्णय भएको छ । प्रदेश सरकारले हरेक वर्ष सर्वोत्कृष्ट कार्यालयलाई पुरस्कृत गर्ने बताएको थियो ।
सम्बन्धित खबर
पोखरा स्वास्थ्य केन्द्र भवनबाट सरकारी कागजात चोर्नेहरू पक्राउ
नेपाल पर्यटन बोर्ड पोखरा स्पोर्टस् अवार्डको प्रवर्द्धक
डाइनामिक युथ लिडर दर्शन लोकप्रिय मतका साथ सचिवमा निर्वाचित
एमाले कास्की अध्यक्षमा बैनबहादुर अधिकारी क्षत्री निर्वाचित, अधिकारीको प्यानल नै विजयी
२० घण्टामा मतदान सकियाे, २ घण्टा भित्रै मतपरिणाम घोषणा हुने
मतदातालाई सास्ती: १६ घण्टामा ६ सय मतदान, ३ सयले भोट हाल्नै बाँकी
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग