मङ्गलबार, १ असाेज २०८१
मङ्गलबार, १ असाेज २०८१
नेपाली कांग्रेसबाट पोखरा महानगरको मेयरमा १८ जना र उपमेयरमा १० जनाले दाबी पेश गरेका छन्।
कांग्रेस पोखरा महानगर कार्यसमितिले आइतबार मेयर र उपमेयरको आकांक्षीलाई आन्तरिक उम्मेदवारी पेश गर्न आह्वान गरेको थियो। उक्त आह्वानअनुसार मेयरमा बहालवाला मन्त्री विन्दुकुमार थापा, जिल्ला सभापति किशोरदत्त बराल, गणेशबहादुर भट्टराई, सुदिपमोहन भट्टराई, परमेश्वर पोखरेल, निर्मल प्रसाद कर्माचार्य, कृष्ण केसी, बाबुराम आचार्य, नन्दप्रसाद तिवारी, गंगाधर पराजुली, वीरेन्द्र नारायण बिजुक्छे, विश्वशंकर पालिखे, बाबुराम गिरी, कोपिला रानाभाट, किरण केसी, विश्व घिमिरे र ऋषि सापकोटाले दाबी गरेका छन्।
यस्तै, उपमेयरमा माया बराल, लक्ष्मी पाण्डे, रंगिला आचार्य, आनन्दी राणा, टीकाकुमारी गुरुङ, दिपक मल्ल, मिलन थापा, चिनु गुरुङ, शिव केसी र गोविन्द नेपालीले आन्तरिक उम्मेदवारी दर्ता गरेका हुन्।
गण्डकी प्रदेशका बहालवाला आन्तरिक मामिला तथा कानुनमन्त्री बिन्दुकुमार थापाले दाबी पेश गरेका छन्। साथै, उनकी बुहारी मिलन थापाले उपमेयरमा दाबी गरेकी छिन्। यसअघि, मन्त्री थापाले मेयरमा दाबी नरहेकाे तर पार्टीले अघि बढ्न भनेमात्र पछि नहट्ने बताएका थिए ।
मेयर र उपमेयरको आकांक्षीबाट पार्टीको विधान अनुसार छनौट गरेर केन्द्रमा नाम सिफारिस गर्ने महानगर कार्यसमिति सचिव गणेशबहादुर थापाले जानकारी दिए।
सम्बन्धित खबर
शान्ति निकेतनका विद्यार्थीले मनाए विज्ञान दिवस
विज्ञान र प्रविधिको विकासमा प्रदेश सरकार प्रतिवद्ध: मन्त्री थापा
पोखराको विजयपुर उकालोमा बाइकलाई कन्टेनरले ठक्कर दिँदा म्याग्दीका तिलिजाको मृत्यु
प्रतिभा माविद्वारा व्यवस्थापन संकायका अब्बल विद्यार्थीलाई सम्मान
पत्रकार महासंघ गण्डकी र कास्की भवनमा क्रियाशील पत्रकारले लगाए फेरि ताला
कास्कीमा डेंगीबाट तीनको मृत्यु, ३७ सय बढी संक्रमित
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग