कास्कीका पाँच पालिकाका प्रमुख, उपप्रमुख उम्मेदवार यी हुन्

कास्कीका पाँच पालिकाका प्रमुख, उपप्रमुख उम्मेदवार यी हुन्

278841904_5285

पोखरा । पोखरा महानगरपालिका सहित कास्कीका पाँच पालिकामा पनि उम्मेदवारहरूले मनाेनयन दर्ता गराएका छन् ।

पाेखरामा एमालेका तर्फबाट मेयरमा कृष्ण थापा र उपमेयरमा मञ्जुदेवी गुरुङले उम्मेदवारी दर्ता गराए । सत्तारुढ गठबन्धनका तर्फबाट नेकपा एकीकृत समाजवादीका धनराज आचार्यले मेयर र कांग्रेसकी कोपिला रानाभाटले उपमेयरमा मनोनयन दर्ता गराए ।

कास्कीको मादी गाउँपालिकामा एमालेबाट शिवबहादुर गुरुङ (महेन्द्र) अध्यक्ष र कल्पना गुरुङ उपाध्यक्षकी उम्मेदवार भएकी छन् । कांग्रेसबाट अध्यक्षमा देवीजंग गुरुङले उम्मेदवारी दिएका छन् । उपाध्यक्षमा कांग्रेसको उम्मेदवारी परेन । माओवादीका लालबहादुर गुरुङले उपाध्यक्षमा उम्मेदवारी हालेका छन् । काँग्रेसले कास्कीकाे पाेखरा बाहेकका स्थानमा गठबन्धन नगर्ने जनाएपनि  कांग्रेस र माओवादीले मादीमा गठबन्धन गरेका हुन् ।

माछापुच्छ्रे गाउँपालिकामा एमालेबाट विक्रम गुरुङ र सीता तिवारी अधिकारी क्रमशः अध्यक्ष र उपाध्यक्षका उम्मेदवार भएका छन् । कांग्रेसबाट मीन गुरुङ र सीता अधिकारीले क्रमशः अध्यक्ष र उपाध्यक्षमा उम्मेदवारी दिएका छन् ।

अन्नपूर्ण गाउँपालिकामा एमालेबाट विष्णु केसी अध्यक्ष र चन्द्रकला अधिकारी उपाध्यक्षकी उम्मेदवार छिन् । कांग्रेसले अध्यक्षमा युवराज कुँवरलाई फेरि उम्मेदवार बनाएको छ । उपाध्यक्षमा यसअघि पराजित खिमकुमारी गुरुङ उम्मेदवार भएकी छन् ।

रुपा गाउँपालिकामा एमालेले अहिलेकै अध्यक्ष नवराज ओझा र उपाध्यक्ष लालसुबा गुरुङलाई दोहोर्‍याएको छ । कांग्रेसबाट गिमाया गुरुङ अध्यक्ष र नारायणप्रसाद श्रेष्ठ उपाध्यक्ष उम्मेदवार छन् ।

अध्यक्षमा आनन्द सुवेदी र उपाध्यक्षमा अप्सरा श्रेष्ठलाई उठाइएकोमा पछि परिवर्तन गर्दै अध्यक्षमा गीमाया गुरुङ र उपाध्यक्षमा नारायण श्रेष्ठलाई टिकट दिइएको हो ।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ