Gandak News
Our News Your Views
Promote your business here Gandaknews

धनराजको निर्णय: पोखरालाई ‘पर्यटकीय राजधानी’ घोषणा गर्न संघ सरकारलाई लिखित आग्रह

गरिबका बच्चालाई पोषण भत्ता, सिम्बोल अफ पोखरा आह्वान

पोखरा महानगरपालिकाका नवनिर्वाचित मेयर धनराज आचार्यले पहिलो दिन ३ निर्णय गर्दै पदभार सम्हालेका छन् । उनले न्यून आय भएकालाई पोषणभत्ता, सिम्बोल अफ पोखरा प्रतियोगिता र पोखरालाई पर्यटककीय राजधानी बनाउन संघीय सरकारलाई प्रस्ताव गर्ने निर्णय गरेका हुन् ।

न्यून आय भएका पोखरेलीका बच्चाले आगामी आर्थिक वर्षदेखि पोषण भत्ता पाउने भएका छन् । बिहीबार पदभार ग्रहण गर्दै मेयर आचार्यले वडा कार्यालयको सिफारिसको आधारमा भत्ता दिने घोषणा गरेका हुन् । भत्ता कति समयमा दिने, कति दिने भन्ने आगामी बजेटमा घोषणा हुनेछ ।

पोखरालाई चिनाउने योजनाअन्तर्गत पोखरालाई पर्यटकीय राजधानी घोषणा गर्न संघ सरकारलाई लिखित आग्रह पठाउने अर्को निर्णय गरेका हुन् । सामान्य प्रशासन मन्त्रालय हुँदै संस्कृति तथा नागरिक उड्डयन मन्त्रालयमा प्रस्ताव पठाउने आचार्यले योजना सुनाएका छन् ।  पोखरालाई पर्यटकीय राजधानी घोषणा गर्न यसअघिका मेयर मानबहादुर जिसीले पनि प्रयास गरेका थिए । यस विषयमा गण्डकी प्रदेश सरकारको मन्त्रिपरिषद्ले निर्णय नै गरिसकेको छ । तर, संघ सरकारबाट निर्णय भने हुन सकेको छैन ।

पोखरा चिनाउने कुनै योजना अर्थात् ‘सिम्बोल अफ पोखरा’ बनाउन आह्वान गर्ने अर्को निर्णय भएको छ । बजेटमा व्यवस्था गरेर उत्कृष्टलाई २ लाख रुपैयाँ पुरस्कार दिइने मेयर धनराजले बताए । यसका लागि एक महिनाको समय हुनेछ ।

`अक्सफर्ड युनिभर्सिटी जाँदा त्यहाँ उसको सिम्बोल छ । पेरिसको छ । पोखरामा पनि त्यस्तै बनाउने छौँ,´ मेयर धनराजले भने, `त्यसका लागि क्रियटिभ युवालाई आह्वान गरिने छ । यो एक वर्षभित्र बनाउने योजना छ । समय एक महिना तोकिएको छ ।’

एमालेका कृष्णबहादुर थापालाई हराएर गठबन्धनबाट एकीकृत समाजवादीका आचार्य मेयर निर्वाचित भएका थिए ।

प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस