मकवानपुरमा बस दुर्घटनाः ७ जनाको मृत्यु, २६ जना घाइते

मकवानपुरमा बस दुर्घटनाः ७ जनाको मृत्यु, २६ जना घाइते

bus_accident_bhimfedi

काठमाडौं । मकवानपुरमा बस दुर्घटना हुँदा ७ जनाको मृत्यु भएको छ ।

काठमाडौंबाट हेटौँडा जाँदै गरेको बा ३ ख ७८५८ नम्बरको यात्रुवाहक बस बिहीबार दिउँसो भीमफेदी–६ जुरिखेतको एघार घुम्तीको ओरालोमा दुर्घटना हुँदा ७ जनाको मृत्यु भएको हो ।

दुर्घटनामा परी नुवाकोटका ३४ वर्षीय रघुराज न्यौपाने, बाराको झिट्कैयाका ३३ वर्षे अब्दुल्लाहा मियाँ ठकुराई, बारा जितपुरका २५ वर्षीय शेख अरमान, मकवानपुर गढी–३ का ४३ वर्षीय मदन बिक, पर्साको वीरगञ्ज–३१ का ४२ वर्षीय हृदय नारायण पंजियार र भारत मोतिहारीका ३५ वर्षीय सरदनारायण शर्माको मृत्यु भएको जिल्ला प्रहरी कार्यालय मकवानपुरले जनाएको छ ।

प्रहरीका अनुसार एक जनाको भने अहिलेसम्म परिचय खुलेको छैन ।

दुर्घटनामा २६ जना घाइते भएका छन् ।

घाइतेहरुको विभिन्न अस्पतालमा उपचार भइरहेको र सामान्य घाइते ६ जना उपचारपछि घर फर्किएका प्रहरीले जनाएको छ ।

ओरालो बाटोमा ब्रेक फेल भएर बस दुर्घटना भएको अनुमान गरिएको छ ।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ


This will close in 2 seconds