काठमाण्डौ। सरकारले ११ वटा सहकारी संस्थाका ऋणीलाई समयमा नै ऋण नतिरे कालो सूचीमा राख्ने भएको छ । समस्याग्रस्त सहकारी व्यवस्थापन समितिले ११ वटा समस्याग्रस्त सहकारी संस्थाका ऋणीहरूले समयमा नै ऋण चुक्ता नगरे कानून बमोजिम कालो सूचिमा राख्ने जनाएको हो।

समितिका अनुसार समस्याग्रस्त रहेका स्ट्याण्डर्ड सेभिङ्ग एण्ड क्रेडिट को–अपरेटिभ लिमिटेड, प्रभु बचत तथा ऋण सहकारी संस्था, कन्जुमर बचत तथा ऋण सहकारी संस्था, चार्टर्ड सेभिङ्ग एण्ड क्रेडिट को–अपरेटिभ, स्ट्याण्डर्ड मल्टिपर्पोज को–अपरेटिभ, लुः निभा बहुउद्देश्यीय सहकारी संस्था, प्यासिफिक सेभिङ्ग एण्ड इन्भेष्टमेण्ट को–अपरेटिभ, कोहिनुर हिल सेभिङ्ग एण्ड क्रेडिट को–अपरेटिभ, कुबेर बचत तथा ऋण सहकारी संस्था, भेगास बचत तथा ऋण सहकारी संस्था, सोसाइटल बचत तथा ऋण सहकारी संस्था रहेका छन् ।

समितिका अनुसार ‘सूचना प्रकाशित भएको मितिले १५ दिनभित्र आफूले तिर्नुपर्ने ऋणको साँवा ब्याज अनामनगरस्थित समस्याग्रस्त सहकारी व्यवस्थापन समितिको काठमाडौं कार्यालयमा बुझाउनुपर्ने अन्यथा का्नुन बमोजिम कारवाहीका साथै सहकारी ऐन, २०७४ को दफा ११५ को उपदफा (१) को खण्ड (ख) र (ग) बमोजिम निजको राहदानी रोक्का राख्ने र नाम कालो सूचिमा राखिने छ’, सूचनामा भनिएको छ।