Gandak News
Our News Your Views

लमजुङमा कांग्रेस विजयी

लमजुङ । लमजुङको दुवै प्रदेश सभा सदस्य नेपाली कांग्रेसले जितेको छ।

निर्वाचन क्षेत्र नं १ को (क) बाट कांग्रेसका टकराज गुरुङले १ हजार १६१ मतान्तरले नेकपा एमालेका जमिन्द्रमान घलेलाई हराएका हुन् ।

गुरुङले १८ हजार ५०४ मत प्राप्त गर्दा एमालेका घलेले १७ हजार ३४३ मत पाएका थिए।

प्रदेशसभा सदस्यमा निर्वाचित गुरुङ नेपाली कांग्रेस जिल्ला कार्य समितिका सभापति हुन् भने घले नेकपा एमाले केन्द्रीय सदस्य हुन् ।

प्रदेश सभा (क) मा पनि कांग्रेसकै भेषबहादुर पौडेलले एमालेका कृष्णप्रसाद अधिकारीलाई ७ सय ५४ मतान्तरले पराजित गरेका छन्।

पौडेलले १९ हजार ५५७ मत प्राप्त गर्दा एमालेका अधिकारीले १८ हजार ८०४ मत पाए।

लोड हुँदै ...