जापानको फुकुओकामा रहेका नेपालीहरु पूरानो सामाजिक संस्था फुकुओका नेपाल सोसाइटी (फुनेसो) को २७ औं अधिवेशनले नयाँ नेतृत्व चयन गरेको छ ।

सन् १९९५ मा नेपाली समुदायको हकहितमा समर्पित रहने गरी स्थापित संस्थाको अध्यक्षमा इन्द्र प्रसाद घले चयन भएा छन् । उनी अघिल्लो कार्यसमितिमा उपाध्यक्ष थिए । निर्विरोध चयन गरिएको १५ सदस्यीय समितिमा वरिष्ठ उपाध्यक्षमा रबि बस्नेत र तीन उपाध्यक्षहरुमा अशोक सेढाईं, प्रेमराज दाहाल र दीपक बिक चयन भए । पाेखराका सेढाईं यसअघि सचिव हुन् ।

प्रवक्तामा कृष्णराज भट्ट, सचिवमा उज्ज्वल बानियाँ, सहसचिवमा प्रदीपकुमार राई, कोषाध्यक्षमा भुवनकृष्ण घिमिरे, सहकोषाध्यक्षमा विशाल जिन्वा निर्विरोध चयन भए । सदस्यहरुमा सन्देश राई, मनिषा रावल, शिव बिक, अमित भुषाल र मिसन केसी छन् । अघिल्लो अधिवेशनबाट समितिको कार्यकाल दुई वर्ष लम्ब्याइएको छ ।

प्रमुख अतिथि फुकुओका नेपाल सोसाइटीका संस्थापक अध्यक्ष अरुण बिस्टले २८ वर्ष अघि नेपालीहरुको हकहितका लागि सुरुवात गरेको संस्था अहिले यो उचाईमा देख्न पाउँदा हर्षित भएको उल्लेख गरे । उनले आफ्नो संस्थाका लागि सहयोग सदा रहने बताए ।

कार्यक्रमको सञ्चालन सचिव अशोक सेढाईंले गरेका थिए ।

सम्बन्धित समाचारः

फुकुओका नेपाल सोसाईटीको अध्यक्षमा सिग्देल
पोखराका सेढाईं सचिवमा मनोनित