सर्पको टोकाइबाट सल्यानका एकजना बालकको दाङमा मृत्यु भएको छ । मृत्यु हुनेमा सल्यान बागचौर नगरपालिका–४ पेदीखोला घर भई हाल शान्तिनगर गाउँपालिका ७ मामाघरमा गएका १६ वर्षिय मनोज वली रहेका छ ।
गराइच नामक सर्पले घरमा सुतिरहेको अवस्थामा आइतबार राती टोकेको इलाका प्रहरी कार्यालय तुलसीपुरका प्रमुख प्रहरी नायब उपरीक्षक पुष्पराज मल्लले जानकारी दिए ।
सर्पले टोकेपछि उनलाई उपचारका लागि राप्ती प्रादेशिक अस्पताल तुलसीपुरमा ल्याएको थियो । उनको राप्ती प्रादेशिक अस्पतालमा उपचार सम्भव नभएपछि थप उपचारका लागि राप्ती स्वास्थ्य विज्ञान प्रतिष्ठानमा रिफर गरिएको भएपनि उपचारको क्रममा सोमबार बिहान ५ बजेतिर मृत्यु भएको प्रहरीले जनाएको छ ।
उनि अध्ययनका लागि तुलसीपुरमा काेठा लिएर बस्थे । आइतबार मात्रै उनि शान्तिनगर ७ स्थित मामाघर गएका थिए । राति सुतेकाे बेलामा सर्पले घाँटीमा टोकेको थियो ।
सोमबार बिहान तुलसीपुर स्थित प्रादेशिक अस्पतालमा पुर्याउदा उनको अवस्था सामान्य भएपनि अस्पतालले वास्ता नगर्दा मृत्यु भएको परिवारले जनाएको छ । मृतक बालकका दाइ मुस्कान बस्नेतले अस्पतालमा राम्ररी बाेलिरहेकै भाइ उपचार ढिलाे हुँदा ज्यान गुमाउनुपरेकाे बताएका छन् ।
मृतक मनोज ओली घरका एक्ला छोरा हुन् । ६ महिनादेखि तुलसीपुरमा बस्दै आएका उनी एच.ए. पढ्नकाे लागि तयारी गरिरहेका थिए ।
सम्बन्धित खबर
पत्रकार सुरेन्द्र पौडेललाई ‘एक्जिटो एक्सेलेन्स अवार्ड’
भारतसँग जोडिएको पर्साका सीमा–नाका ३ दिन बन्द हुने
आजको मौसम पूर्वानुमान
संसदीय छानबिन समिति नबनेसम्म प्रधानमन्त्रीलाई विश्वासको मत लिन दिन्नौं : गगन थापा
रविको देउवालाई प्रश्न : डेढ वर्ष प्रधानमन्त्री अफरको डेट एक्सपायर भयो कि बाँकी छ ?
१३ बर्षका बालकसहित ७ जनाको कुटाइबाट ट्राफिक प्रहरी जवानको हत्या
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग