पोखरा । मुस्ताङका पत्रकार सुन्दरकुमार थकाली आफूले नलेखेको समाचारको विषयमा नकारात्मक प्रश्न उठाउने सरकारी कर्मचारी विरुद्ध कानुनी कारबाहीमा उत्रिएका छन् ।
शुक्रबार यस गण्डक न्यूजबाट प्रकाशित समाचार ‘पोखरामा पक्राउ परेका जुवाडेमा मुस्ताङ घरपझोङ अध्यक्ष पनि, प्रहरीलाई नै नाम ढाँटे’ शेयर भएकोमा कमेन्ट बक्समा नकारात्मक प्रश्न उठाई प्रतिक्रिया दिने उक्त गाउँपालिकाकै शिक्षा शाखा अधिकृत हिमलाल शर्मा र जनज्योति आवासीय विद्यालयका प्रधानाध्यापक निमा ठिले गुरुङ विरुद्ध थकाली प्रशासन पुगेका हुन् ।
समाचार पोखराको होटल लक्ष्मीमा जुवातास खेल्दै गर्दा पक्राउ परेका मुस्ताङ जिल्ला घरपझोङ गाउँपालिकाका अध्यक्ष मोहनसिंह लालचनसहित ७ जना जुवाडे पक्राउ परेको सम्बन्धमा थियो । वडा प्रहरी कार्यालय, बैदामले दिएको सत्यतथ्य सूचना अनुसार नै समाचार प्रकाशन भएको थियो । अघिल्लो दिन गाउँपालिका अध्यक्ष लालचनले मोहन थकाली नाम प्रहरीकहाँ बताएकाले सोहि नाममा समाचार प्रकाशित भएको थियो ।
भोलिपल्ट मात्र उनी गाउँपालिका अध्यक्ष मोहनसिंह लालचन भएको खुलेको थियो । यसै समाचार शेयर भएकोमा फेसबुकमा शिक्षा शाखा अधिकृत शर्माले पत्रकार सुन्दरकुमार थकालीलाई मुछेर कमेन्ट गरेको पत्रकार थकाली बताउँछन् ।
पत्रकार थकालीले आफू समाचार लेखनसँग सम्बन्धित नभएकाले उक्त प्रतिक्रियाप्रति गम्भिर आपत्ति र खेद व्यक्त गर्दै प्रमुख जिल्ला अधिकारी अनुप केसी समक्ष आवश्यक कारबाही गरिपाउँ भनी आइतबार उजुरी दर्ता गरेका छन् ।
उनले प्रजिअ समक्ष गरेको उजुरीमा उल्लेख छ – ‘थकाली जात उल्लेख गरी मेरो पत्रकारितालाई बदनाम गर्न खोज्ने र पत्रकारलाई त्रसित गर्न खोज्ने आशयका साथ शर्माले आफू एक स्थानीय तहको राष्ट्रसेवक निजामति कर्मचारी भई कार्यरत रहेको तथ्य बिर्सिएर पेशागत मर्यादालाई तिलाञ्जली दिएर यस प्रकारको तुच्छ प्रतिक्रिया दिनु खेदजनक छ । कर्मचारी मिलन केन्द्र, मुस्ताङको गरिमामय अध्यक्ष पदमा हुनुहुन्छ । उहाँको यस प्रकारको क्रियाकलापले राष्ट्रसेवक कर्मचारीकै बदनाम हुनेमा दुईमत छैन ।’
पत्रकार थकालीले समुदायमै नकारात्मकता फैलाउने ध्येयले सामाजिक सञ्जालमा गरिएको दुराशययुक्त प्रतिक्रियाले आफू स्तब्ध भएको बताउँदै शर्मा विरुद्ध सत्यतथ्य छानविन गरी कानुनी उपचार गरिपाउँ भनी निवेदन गरेका छन् ।
यसैबीच, पत्रकार थकालीले जनज्योति आवासीय विद्यालयका प्रधानाध्यापक निमा ठिले गुरुङ विरुद्ध पनि उजुरी दिएका हुन् । मुस्ताङका पत्रकार बिक्रीमा भन्ने आरोप प्रमाणित गर्न चुनौती दिँदै थकालीले निमा ठिले विरुद्ध अर्को उजुरी पेश गरिएका जानकारी दिएका छन् ।
सरकारी दानापानीको सुविधा लिएर सामाजिक सञ्जालमा पत्रकारहरुलाई हतोत्साही र मनोबल गिराउने हर्कत किमार्थ स्वीकार गर्न सकिन्न भन्दै उनले प्रशासनले उजुरी दराजमा थन्क्याउने काम नगरी यथाशीघ्र छानविन कार्य सुरु गरी दोषीलाई कारवाही गर्न पनि अनुरोध गरेको छ ।
यद्यपी, कमेन्ट गर्नेहरुले समाचार विरुद्ध भने केही लेखेका छैनन् । उनीहरुले गरेको कमेन्टहरु हटाइसकेका छन् ।
पत्रकार थकालीले गरेकाे उजुरी विवरणः
सम्बन्धित खबर
पृथ्वीचोकमा बसबाट झर्नासाथ तानातान गरेर हैरान पारेको आरोपमा ७ जना पक्राउ
पोखराको प्राइम सहकारी ठगी कसूरमा थप एक पक्राउ
पोखरा ६ मा प्रथम वडा स्तरीय बुद्धिचाल प्रतियोगिता
रामघाटबाट ड्रग्ससहित तीन युवक पक्राउ
चौथो संस्करणको अन्नपूर्ण म्याराथन जेठ २१ मा हुँदै
पोखरा विश्वविद्यालय शिक्षण अस्पताल उद्घाटन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग