पोखराको मणिपाल शिक्षण अस्पतालमा सोमबार उत्पन्न स्थितिलाई साम्य पार्ने क्रममा ४ जना प्रहरी पनि घाइते भएको कास्की प्रहरीले प्रतिक्रिया दिएको छ ।
बिरामीको मृत्युको विषयलाई लिएर मृतकका आफन्तद्वारा डाक्टरमाथि कुटपिट हुँदा मणिपाल अस्पताल दिउँसो १ बजेपछि रातिसम्मै अशान्त रह्यो । पहिले मृतकका पक्षबाट ठूलो समूहका समर्थकलाई सम्हाल्न हम्मे हम्मे परेको प्रहरी पछि स्वास्थ्यकर्मी आन्दोलित भएपछि लाठीचार्ज गर्न उद्धत बनेको थियो ।
जिल्ला प्रहरी कार्यालय कास्कीका प्रवक्ता डिएसपी श्रवणकुमार बिकले प्रहरी पनि ४ जना घाइते भएको बताए । उनले एक जनाको टाउकोमा तीन वटा टाँकासमेत लगाएको जानकारी दिए । आक्रोशित ठूलो समूह अस्पताल तोडफोडमा उत्रेका थिए । भीड नियन्त्रण गर्ने क्रममा प्रहरी घाइते भएका हुन् । पछि चिकित्सकहरु पनि नाराबाजीमा उत्रिएका थिए ।
‘प्रहरीले त डाक्टर पनि कुटेछन् । अपशब्द प्रयोग गर्दै मृतक पक्षसँग गएर डाक्टर साफसँग कुटेको र ढुटो हुने गरी रगतै रगत बनाइदिएको भनेर प्रहरी निरीक्षक मदन श्रेष्ठले नै भनेका छन् । यसबारे कास्की प्रहरीको धारणा के छ ?’ भन्ने प्रश्नमा डिएसपी बिकले भने – ‘त्यही त, भिडियो, समाचारमा देखेपछि थाहा भयो । यसो हुन नपर्ने हो । तालुक निकाय प्रदेश कार्यालयकै ध्यानाकर्षण भइसकेको छ । अनुसन्धान भइहाल्छ । तर, हाम्रो प्रहरीका पनि ४ जना घाइते भएका छन् है ।’
लमजुङकी ५७ वर्षीया सुकमाया दुराको उपचारको क्रममा मृत्यु भएपछि उनका आफन्त पोखरा ५ मालेपाटनका ३४ वर्षीय विनय गुरुङले चिकित्सक अनिल शाहमाथि कुटपिट गरेपछि अहिले स्वास्थ्यकर्मीहरु आन्दोलित छन् । डाक्टर कुट्ने गुरुङलाई सोमबार नै पक्राउ गरी हिरासतमा राखिएको र अनुसन्धान जारी रहेको कास्की प्रहरीले बताएको छ । गुरुङलाई स्वास्थ्यकर्मी तथा स्वास्थ्य संस्थाको सुरक्षासम्बन्धी ऐन, २०६६ (संशोधनसहित) कसुरमा अनुसन्धान भइरहेको जनाइएको छ ।
प्रहरीले नियन्त्रणमा लिएका डा. दिनेश कुमार बिकलाई भने रिहा गरेको डिएसपी बिकले जानकारी दिए । पोखरा स्वास्थ्य विज्ञान प्रतिष्ठानका डा.मिन बहादुर गुरुङको रोहबरमा डा. गिरीधारी शर्माको जिम्मामा डाक्टर विकलाई रिहा गरिएको हो ।
सुरक्षा संवेदनशीलतालाई मनन गरी चिकित्सक पक्षबाट होहल्ला, नाराबाजीमा संलग्न फिस्टेल अस्पतालमा कार्यरत डा. दिनेशकुमार बिकलाई नियन्त्रणमा लिइएको विज्ञप्तिमार्फत प्रहरीले जनाएको छ।
सम्बन्धित समाचारः
संरक्षण गर्नुपर्ने प्रहरीले नै डाक्टर कुटे ! दोषीमाथि कारबाही नभएसम्म उपचार सेवामा नफर्कने [भिडियो]
माओवादी स्वास्थ्य विभाग सदस्य डा. दीपक कोइरालाले दिए राजीनामा
पोखरामा डाक्टर कुटिएको बिरोधमा माइतीघर मण्डलामा चिकित्सकहरूको विरोध प्रदर्शन
पोखराको मणिपाल र लमजुङ अस्पतालमा डाक्टर कुटिएपछि इमर्जेन्सी बाहेकका सबै सेवा बन्द
सम्बन्धित खबर
पोखराको विद्यालय तोडफोड गरी ल्याप्टप चोरी गरेको आरोपमा ४ बालक प्रकाउ
चेक बाउन्सः व्यवसायी र प्रहरी दुबै हैरान
पुम्दीकोटको विशाल शिव मूर्ति गण्डकी क्षेत्रकै आकर्षणः प्रदेश प्रमुख भट्ट
श्रष्टा नरहरि भट्टराईको उपन्यास ‘शान्ति’ लोकार्पण
पोखरामा पर्यटक बढाउन प्रकृति र संस्कृति महत्वपूर्ण : मुख्यमन्त्री अधिकारी
नेपाल राष्ट्रिय शिक्षक सङ्गठन, पोखरा महानगरको कार्यशाला
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग