नेकपा एमाले गण्डकी प्रदेशको नयाँ नेतृत्वका लागि भएको मतदान सकिएको छ । मध्यान्ह ११ः५५ बजेदेखि सुरु भएको मतदान साढे ५ बजेसम्म चल्ने तालिका सार्वजनिक भएपनि ४ घण्टा बढी समयसम्म चल्यो ।
८ सय ९६ मत खसेको छ । १० जना अनुपस्थित रहे । बागलुङका २ जना र मनाङका ८ जना प्रतिनिधि अनुपस्थित रहेकाे बताइन्छ ।
निर्वाचनमा विद्युतीय भोटिङ मेसिनको प्रयोग गरिएको थियो । विभिन्न क्लस्टरमा मतदान गर्नुपर्ने र इलेक्ट्रोनिक भोटिङ गर्न प्रतिनिधि अभ्यस्त नहुँदा निकै समय खर्चिएको देखियो । एक जनालाई १५ मिनेट लाग्ने अनुमान गरिएकोमा एक घण्टा भन्दा बढी समय लगाएको पनि देखियो । त्यसैले निर्धारित समयमा आधाले पनि मत हाल्न पाएनन् र निर्वाचन समितिले सहमतिमै समय थप गरेको हो ।
मतदानमा ३३ वटा विद्युतिय भोटिङ मेसिनको प्रयोग गरिएको प्रमुख निर्वाचन अधिकृत सुरेन्द्र थापा मगरले बताए । अब मतगणनाको तयारी थालिएको छ । विद्युतिय भोटिङ मार्फत मतदान भएकोले गणना सुरु भएको एक घण्टामा सबै नतिजा आउने निर्वाचन समितिले जनाएको छ ।
अध्यक्षमा नवराज शर्मा र मायानाथ अधिकारी नेतृत्वका लागि प्रतिस्पर्धामा छन् । शर्मालाई उपमहासचिव पृथ्वीसुब्बा गुरुङ र अधिकारीलाई स्थायी कमिटी सदस्य खगराज अधिकारी पक्षको समर्थन छ । शर्मा तर्फ उपाध्यक्षमा बाबुराम विश्वकर्मा र मीनप्रसाद गुरुङको उम्मेदवारी परेको छ । विक खगराज र गुरुङ पृथ्वीसुब्बा प्यानलका उम्मेदवार हुन् ।

सचिवमा लमजुङका धनञ्जय दवाडी, कास्कीका रश्मि आचार्यले उम्मेदवार छन् । दवाडी पृथ्वीसुब्बा र रश्मि खगराज प्यानलबाट हुन् । उपसचिवमा दामबहादुर विक र सन्तोष रावल चुनावी मैदानमा छन् । विक पृथ्वीसुब्बा र रावल सन्तोषनिकट हुन् ।

उपसचिव महिलामा मञ्जु अधिकारी र मिना गुरुङको प्रतिष्पर्धा छ । अधिकारी पृथ्वीसुब्बा र गुरुङ खगराज प्यानलका हुन् ।
मतदानस्थलमा आचारसंहिता विपरितका गतिविधि देखिए । प्यानल बनाएर चुनाव लड्न नपाउने पार्टीको निर्देशन विपरित दुवै तर्फ प्यानल नै बनाइयो । प्रतिनिधिहरुले खल्ती खल्तीमा हालेर हेर्दै मत दिए । केही उम्मेदवारको नाम दुवै प्यानलमा देखिए । यसले उनीहरुलाई फाइदा मिल्ने देखिएको छ ।

सम्बन्धित खबर
दुर्गा मन्दिरको कोटी दिप प्रज्वलनको आम्दानी खर्च सार्वजनिक
मादी ५ मा यौन तथा प्रजनन स्वास्थ्य शिविर
कास्की काँग्रेसले बुझायो मेयरलाई अवधारणा
प्रलेस, गण्डकीको सचिवालय गठन, नयाँ कार्ययोजना निर्माण
तनहुँमा स्कुटर दुर्घटना हुँदा छोराको मृत्यु, बाबु घाइते
गण्डकी प्रदेशको बजेट आज, ३२ अर्ब ५० करोड हाराहारीमा बजेट प्रस्तुत हुँदै
यो पनि पढौँ
अपडेट: मृतक तनहुँका मनोज भुजेल, स्याङ्जाका ट्याक्टर चालक र सहचालक पक्राउ
पोखरामा होटलको छतबाट खसेर बुटवलकी महिलाको मृत्यु
पोखराको वन क्याम्पस नजिकै सडकमा युवकको हत्या
वन विज्ञान क्याम्पस क्षेत्रका स्थानीय भन्छन्ः घटना राति नै भएको हुनसक्छ