कलाकार प्रकाश घिमिरे भीरबाट लडेर घाइते, मणिपालमा उपचार हुँदै

गण्डक न्यूज शुक्रबार, १० कार्तिक २०८०

१० कार्तिक २०८०

कलाकार प्रकाश घिमिरे भीरबाट लडेर घाइते भएका छन् ।

शुक्रबार बिहान साढे ९ बजे नदीपुरमा घाँस काट्न जाने क्रममा घिमिरे भीरबाट लडेको जिल्ला प्रहरी कार्यालय कास्कीका सूचना अधिकारी डीएसपी श्रवणकुमार विकले जानकारी दिए ।

घाइते घिमिरेलाई मणिपाल शिक्षण अस्पतालमा भर्ना गरिएको र अवस्था केही गम्भीर रहेको उनले बताए ।

पोखरा महानगरपालिकाका मेयर धनराज आचार्यले पनि सामाजिक संजालमार्फत घटनाप्रति दुःख व्यक्त गर्दै घिमिरेको स्वास्थ्य लाभको कामना गरेका छन् । मेयर आचार्यले अभिनेता घिमिरेलाई आकस्मिक उपचार कक्षमा राखिएको जनाएका छन् ।

दर्जनौं फिल्म खेलिसकेका घिमिरे अभिनित फिल्म ‘पशुपतिप्रसाद २ : भष्मे डन’ अहिले प्रदर्शन भइरहेको छ ।