पोखरा वडा नं. २४, कास्कीकोट लौरुक निवासी बिक परिवारमा तिहारकै बेला ठूलो बज्रपात पर्‍यो । हाते ट्याक्टरले गोडा छेड्दा रक्तश्रावका कारण टेकबहादुर बिकको ज्यान गयो ।

कार्तिक २४ गते दिउँसो दुई बजेतिर आफ्नै खेतबारीमा हाते ट्क्याक्टरले खनजोत गर्दै गर्दा अचानक अनियन्त्रित भै बायाँ गोडा छेड्न पुगेको पूर्व जनप्रतिनिधि धनबहादुर नेपालीले जनाएका छन् ।

हाते ट्य्राक्टर बायाँ गोडामा ३ वटा घाउ बनाउँदै तिघ्राबाट छेडिँदा अत्यधिक रक्तश्राव भएको र अचेत अवस्थामा अस्पताल लगिएको थियो । उनलाई तत्काल उद्धार गरेर उपचारका लागि पश्चिमाञ्चल क्षेत्रीय अस्पताल लगी उपचार जारी थियो । तर, कार्तिक २८ गते साँझ ६ बजे उनको निधन भयो ।

बिकको शरीरको रगत सञ्चालनमा समस्या देखिएपछि डाक्टरहरुले अपरेशन गर्नुपर्ने सल्लाह दिएका थिए। डाक्टरहरुको सल्लाह बमोजिम देब्रे गोडाको घुँडाभन्दा तल्लो भाग काटेर उपचार हुँदै आएकोमा अचानक मृत्यु भएको परिवारले जनाएको छ ।

बिकका श्रीमति, १९ वर्षका छोरा, ५ वर्षकी छोरी र २ वर्षे छोरा रहेका छन् । चाडबाड मान्न फर्केका बिक चाडबाडकै दिन अस्ताउँदा परिवारजन सहिनसक्नूको पीडामा छन् । परिवार सबै विक्षिप्त छन् ।

टेकबहादुर साउदी अरबमा काम गर्दै आएका थिए । उनी अब दुबई जाने तयारीमा थिए । त्यसको लागि सबै तयारी भइसकेको थियो ।

बिक परिवारको सहयोगार्थ रकम संकलन पनि सुरु भएको छ । सहयोगी मनहरुले धनबहादुर नेपालीलाई ९८४६०८७९२६ मा सम्पर्क गर्न सकिनेछ ।

बैंक खाताको विवरण: (निजको श्रीमतीको)
Bank Name: Muktinath Bikash Bank Ltd.,
Harichowk Branch, Pokhara
Account Number: 01122300739761000001
Account Name: Samjana Kami

सम्पर्क नं:
+977 970-2722787 (छोरा सुवास बिक)
+977 980-6706697 (श्रीमती सम्झना कामी)
+977 9862383661 (BP Gautam)