नेकपा एमालेको भातृ संगठन राष्ट्रिय युवा संघ नेपालले भुकम्प प्रभावित क्षेत्र जाजरकोट र रुकुम पश्चिमका विभिन्न स्थानमा खटेर अस्थाई टहरा बनाउने काममा तीव्रता दिएको छ ।
यसैक्रममा युवा संघ कास्कीका अध्यक्ष पानबहादुर जिसीको नेतृत्वमा रहेको गण्डकी प्रदेशबाट खटिएको ५० जनाको समूहले चौरजहारीमा अस्थायी टहरा बनाएर हस्तान्तरण समेत गरेको छ ।
चौरजहारी–१० र ११ का प्रभावित १४ घरपरिवारका लागि अस्थायी टहरा बनाएर हस्तान्तरण गरिएको अध्यक्ष जिसीले जानकारी दिएका छन् । स्थानिय साधन–स्रोतको प्रयोग गरेर काठपात राखेर माटोले लिपेको पर्खाल र त्रिपालको छानो भएको अस्थाई बास निर्माण गरेको अध्यक्ष जिसीले बताए ।
यसरी अस्थायी टहरा पाएपछि भुकम्पबाट घरबार विहिन भएका नागरिक पनि खुसी भएका छन् । चौरजहारी नगरपालिका–१० पोखरीका स्थानिय शशिराम राणाले भने– ‘सरकारको भर परेर त कहिले हो कहिले ? चिसोले सताएको बेला न्यानो अस्थायी घर पाएर खुसी लाग्यो ।’
सर्वसाधारणले युवा संघलाई धन्यवाद समेत दिएका छन् । यसपछि आफूहरु चौरजहारी नगरपालिकाको वडा नं. १० र ११ मा तीन वटा समूह बनाएर अरु अस्थायी टहरा बनाउने काममा खटिएको युवा संघ कास्कीका सचिव नवराज केसीले जानकारी दिए ।
‘पार्टी केन्द्रको निर्देशन अनुसार हामी खटिएका छौँ । यही मंसिर १४ गतेसम्म प्रभावित क्षेत्रमा खटेर काम गर्ने र यसपछी नेकपा एमालेको मध्यपहाडी जागरण अभियानमा जोडिने योजना छ’ उनले भने ।
माओवादी निष्क्रिय भएको आरोप लागिरहेको बेला एमालेले भने माओवादीको आधार इलाकामा पुर्न निर्माणलाई तीव्रता दिएको छ ।
विपत् व्यवस्थापन तथा स्वयंसेवक विभाग प्रमुख समेत रहेका एमाले केन्द्रीय सदस्य किरण पौडेल नेतृत्वको दस्ताले विगत पाँच दिन देखी जाजरकोट र रुकुममा पुनर्निर्माण तथा भग्नावशेष व्यवस्थापन गरिरहेको छ ।
माओवादीको आधार इलाका रुकुम पश्चिममा मात्रै एमालेका ४ सय स्वयंसेवक खटिएका छन् । उनीहरुले यहाँ अहिले सम्म सय भन्दा बढि घर पुनर्निर्माण गरिसकेका छन् ।
एमालेले खटाएका स्वयम सेवक दस्तामा रहेका युवाहरू अहिले आफ्नै खर्चमा ढलेका घरहरू उठाउन लागेका छन्। यहाँ २५ जनाको दरले ४० समूहमा विभिन्न स्थानमा भग्नावशेष व्यवस्थापन र पुनर्निर्माणको काम भइरहेको छ ।
यसैबीच, नेकपा एमाले मजदुर संगठन जिफण्ट, विद्यार्थी संगठन अखिल पनि खटिएको छ ।
सम्बन्धित खबर
म प्रधानमन्त्री बन्छु कि भनेर कतिलाई पोलेको होला, पोलिरहोस्, धिक्कार छ : माधव नेपाल
सेती नदीमा नुहाउन लाग्दा एक पुरूष डुबेर बेपत्ता
‘माइती घर’का नायक सिपी लोहनीको निधन
मुख्यमन्त्री अधिकारीको नियुक्तिविरुद्धको रिटमाथि सुनुवाइ जारी
रास्वपाका मिलन लिम्बूले आफ्नै वडामा सय भोट पनि कटाएनन्
सगरमाथा बेस क्याम्प जाने क्रममा इन्डोनेसियाली महिलाको मृत्यु
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग