पोखरा। मोटरसाइकल दुर्घटनामा परी पोखरामा शनिबार बिहान दुई जनाको मृत्यु भएको छ।
पोखरा महानगरपालिका -७ बुलौंदीको ओरालोमा सडक डिभाईडरमा ठोक्किएर मोटरसाइकलमा सवार दुई जनाको मृत्यु भएको वडा प्रहरी कार्यालय बैदामले जनाएको छ।
मृत्यु हुनेमा कैलालि जिल्ला सोरहनपुर गाउँपालिका- ३ घर भएका २८ वर्षीय महेश आचार्य र जानकी गाउँपालिका -३ निवासी ३० वर्षीय शैलेन्द्र कुमार उपाध्याय छन्।
प्रहरीका अनुसार बा.प्र०२-०३४प५६२१ नम्वरको बुलेट मोटरसाइकल हल्लनचोकबाट जिरो किलोमिटरतर्फ जाँदै गर्दा बिहान अन्दाजी ३:४५ बजे सडक डिभाईडरमा ठोक्किएको थियो।
दुर्घटनामा दुबैको टाउकोमा चोट लागेर गम्भीर घाइते भएका उनीहरूलाई तत्काल गण्डकी मेडिकल कलेज लगिएपनि उपचारका क्रममा आचार्यको ४:१४ बजे र उपाध्यायको ४ :४५ बजे मृत्यु भएको अस्पताललाई उद्दृत गर्दै प्रहरीले जनाएको छ।
हाल दुबैको शव पोष्ट मार्टमका लागि गण्डकी मेडिकल अस्पतालमा राखिएको छ। घटनाबारे थप अनुसन्धान भइरहेको वडा प्रहरी कार्यालय बैदामले जनाएको छ।
सम्बन्धित खबर
प्रतिभा माविमा वक्तृत्वकलाः सिजन प्रथम
पत्रकार विजय नेपाललाई ‘जितप्रसाद द्वा चलचित्र पत्रकारिता पुरस्कार’
पोखरा २ मा २२६ ज्येष्ठ नागरिकहरूको स्वास्थ्य परीक्षण
उद्यमी महिलालाई आत्मनिर्भर बनाउन काम गर्छौ : मुख्यमन्त्री अधिकारी
पोखरा १७ वडाबासीको सित्तैमा रक्त जाँच
‘नेपाली भाषा जोगाउने दायित्व शिक्षकहरूको काँधमा’
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग