पर्वतको जलजला गाउँपालिका वडा नं. २ मल्लाजको दहमा एक दम्पत्तिको विभत्स हत्या भएको छ ।
स्थानीय वर्ष ६९ का सूर्यबहादुर जिसी र उनकी श्रीमती अन्दाजी ६७ वर्षिया कमला जिसी आफ्नै घर भित्र मृत अवस्थामा भेटिएका हुन् । स्थानीयले श्रीमान श्रीमतीनै मृत अवस्थामा देखेपछि जिल्ला प्रहरी कार्यालय पर्वतमा खबर गरेका थिए ।
घटनास्थल म्याग्दीको बेनी नगरपालिका–९ गलेश्वर बजारदेखि कालीगण्डकी पारी रहेको छ। एक्लो ठाउँमा रहेको सो घरमा सूर्यबहादुर र उनकी श्रीमती मात्रै बस्थे। २ छोरा वैदेशिक रोजगारीको सिलसिलामा कोरिया र एक छोरा म्याग्दीको बेनीबजारमा बस्दै आएका छन्। लुटपाट गरेर हत्या गरेको हुन सक्ने अनुमान गरिएको छ।
स्थानीयको खबर लगत्तै जिल्ला प्रहरी कार्यालय पर्वतवाट गएको टोलीले घटनाको अनुसन्धान गरिरहेको जिल्ला प्रहरी कार्यालय पर्वतका प्रमुख प्रहरी नायब उपरिक्षक खुमलाल भुसालले जानकारी दिए ।
‘घटनाको प्रारम्भिक अवस्था हेर्दा शंकास्पद देखिएको छ’ – उनले भने – ‘पोखरावाट चिकित्सक सहितको टोली बोलाएर थप अनुसन्धान पछि मात्र घटनामा यकिन विवरण आउने छ ।’
जलजला गाउँपालिका वडा नं. २ का वडा अध्यक्ष प्रकाश जिसीले घर भित्रै हत्या भएको जस्तो प्रकृतिमा दम्पत्तिको शव बिहान ९ बजे भेटिएकोे जानकारी दिए ।
सम्बन्धित खबर
तनहुँमा स्रोत नखुलेको १२ लाखसहित २ जना पक्राउ
पूर्व राज्यमन्त्री रायको हत्या उनकै घरमा काम गर्ने युवकले गरेको पुष्टि
सर्लाहीमा पूर्वराज्यमन्त्री रायको हत्या
त्रिभुवन विमानस्थलबाट सुनसहित ३ जना पक्राउ
पोखरा नागढुङ्गा सुकु हत्याकाण्डका आरोपी ८ महिनापछि पक्राउ
पोखराकी रूपसरालाई जापान पठाइदिन्छु भनेर ८० लाख ठगी गर्ने तनहुँकी मनुमाया पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग