काठमाडौँ महानगरपालिका-३२ कोटेश्वर निवासी व्यवसायी रामहरि श्रेष्ठको अपहरणपछि हत्या गरेको आरोपमा १५ वर्षपछि कालीबहादुर खामलाई प्रहरीले ०८० चैत २० गते गिरफ्तार गरेको छ ।
नेकपा माओवादी केन्द्रका नेता तथा पूर्व लडाकुसमेत रहेका खामलाई प्रहरीले काठमाडौँबाट गिरफ्तार गरेको हो ।
व्यपारी श्रेष्ठलाई ०६५ वैशाख १५ गते माओवादीका लडाकु खमसहित केशव अधिकारी, गङ्गाराम थामा र गोविन्दबहादुर बटलासहितले अपहरण गरी चितवनको शक्तिखोरस्थित माओवादी शिविरमा लगि कुटपिट गरेको र हत्यापछि वैशाख २८ गते नारायणी नदी किनारमा फालेको आरोपमा श्रेष्ठकी पत्नीले सर्वोच्च अदालतमा उजुरी दिएकी थिइन् ।
खाम तत्कालीन ‘जनमुक्ति सेना’ तेस्रो डिभिजनका कमान्डर थिए । जिल्ला न्यायाधीश भोजराज अधिकारीको इजलासले उक्त मुद्दाको फैसला २०६८ जेठ १७ गते गरेको थियो । सो फैसलामा अदालतले बटालालाई तीन वर्ष र अन्य आरोपित फरार भएकोले मुद्दा मुल्तविमा राखेको थियो ।
मुद्दा चलेदेखि नै खाम अदालतमा उपस्थित भएका थिएनन् । प्रहरीको फरार सूचीमा रहेका खामलाई माओवादी केन्द्रले केन्द्रीय विभागको सदस्य बनाएको थियो ।
सम्बन्धित खबर
आजको मौसम पूर्वानुमान
सरकार कामबाटै जनतामा आशा जगाउन चाहन्छ: सञ्चारमन्त्री गुरुङ
सौर्य एयरलाइन्सले भन्यो– पीडित परिवारजनलाई कम्पनीको तर्फबाट सहयोग हुन्छ
नयाँ मौद्रिक नीति सार्वजनिक, बैंकदर र निक्षेप संकलनदर घटाइयो [पूर्णपाठ]
सन्दीपविरुद्ध सर्वोच्चमा पुनरावेदन नगर्ने गौशाला २६ को निर्णय
कीर्तिपुर नगरपालिकाका मेयर नकर्मीको निधन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग