गण्डकीमा प्रदेशसभा सदस्य राजीव गुरुङ (दीपक मनाङे) ले एक पछि अर्को रेकर्ड राखिरहेकै छन् ।
संसदको अंकगणितका कारण उनको पल्लाभारी छ । पहिलो कार्यकालमा पनि तीन पटक मन्त्री भएर रेकर्ड राखेका मनाङेले दोसैो कार्यकालमा पनि उस्तै अंकगणितले अवसर मिलिरहेको छ । उनी हरेक सरकारमा मन्त्री हुने सांसद बनेका छन् । कहिले पार्टीमा जोडिन्छन्, कहिले स्वतन्त्र बन्छन् । जे फाइदा हुन्छ, उही गर्दै आइरहेका छन् ।
कांग्रेस नेता सुरेन्द्रराज पाण्डे नेतृत्वको सरकारमा रोज्जा मन्त्रालय भौतिक पूर्वाधार विकास तथा यातायात मन्त्री बनाएर मनाङेको भाउ बढाइसकेको अवस्था छ ।
गुण्डागर्दी पृष्ठभूमिबाट राजनीतिमा आएका मनाङे पाँचौँपटक गण्डकी प्रदेश सरकारको मन्त्री बन्ने भएका हुन् । अधिकारीलाई मुख्यमन्त्री बनाउन निर्णायक मत दिएर उनी पुनः मन्त्री बन्न लागेका हुन् । एमाले स्रोतका अनुसार उनले सामाजिक विकास तथा स्वास्थ्य मन्त्रालय मागेका छन् । सरकार बनाउन निर्णायक मत दिएकाले मुख्यमन्त्री अधिकारी पनि मनाङेलाई उक्त मन्त्रालय दिन तयार छन् ।
सरकार गठनमा मनाङेको साथ खोज्दै एमालेका सांसद पछिल्लो समय उनलाई भेट्न गएका थिए । त्यो भेटमा उनले गृहजिल्ला मनाङमा केही विकासका योजना पार्नुपर्ने भएकाले आफूले भौतिक मन्त्रालय रोजेको तर सामाजिक विकास मन्त्रालयमा रहेर धेरै काम गर्न सक्ने बताएका थिए ।
‘मनाङलाई हेप्छन् । २/३ वटा प्रोजेक्ट त्यहाँ लैजानु छ । मेरो त ब्याकग्राउण्ड पनि खेलकुद हो । यहाँ यो इन्जिनियरले फसाइदिन्छन् । म धेरै बस्दिनँ,’ उनले भनेका थिए, ‘सरकार बनाउने भए ३० पुर्याउनुस्, एक म दिम्ला नि । तर यो विघटन भन्नेतिर जानु हुन्न ।’
मनाङे यसअघिको प्रदेश सरकारको कार्यकालमा ४५ दिनमै तीन पटक युवा तथा खेलकुदमन्त्री बनेका थिए । २०७८ साल १६ वैशाखमा तत्कालीन पृथ्वीसुब्बा गुरुङ नेतृत्वको सरकारमा उनी पहिलो पटक मन्त्री बनेका थिए । मुख्यमन्त्री गुरुङले २६ वैशाखमा राजीनामा दिएपछि मनाङे स्वतः पदमुक्त भएका थिए ।
२९ वैशाखमा ठूलो दलको नेताको हैसियतले मुख्यमन्त्रीमा पृथ्वीसुब्बाले शपथ लिएपछि पुरानै मन्त्रीलाई निरन्तरता दिएका थिए । ९ जेठमा मनाङे फेरि सोही मन्त्रालयमा दोहोरिए । कांग्रेस नेतृत्वको सरकार बनाउन निर्णायक मत दिएका मनाङेले २०७८ साल असार अन्तिममा गठबन्धन सरकारमा पनि सोही मन्त्रालयको जिम्मेवारी पाएका थिए । त्यसपछि संसदको दोस्रो कार्यकालमा कांग्रेस नेता सुरेन्द्रराज पाण्डेले उनलाई गत ५ चैतमा भौतिक पूर्वाधारमन्त्री बनाएका थिए ।
सम्बन्धित खबर
विद्युतीय चार पाङ्ग्रे गाडी अब नेपालमै उत्पादन हुने
म प्रधानमन्त्री बन्छु कि भनेर कतिलाई पोलेको होला, पोलिरहोस्, धिक्कार छ : माधव नेपाल
रास्वपाका मिलन लिम्बूले आफ्नै वडामा सय भोट पनि कटाएनन्
बझाङ प्रदेशसभा-१ मा एमालेका दमनबहादुर भण्डारी विजयी
इलामको मतगणना आजै सक्ने तयारी
बझाङ अपडेटः २३ हजार ३७३ मत गनियो, कसको कति मत ?
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग