बागलुङ । गलकोट नगरपालिका ४ ओखरबोटमा महिलाहरुलाई दुई दिने उद्घोेषण सम्बन्धी तालिम प्रदान गरिएको छ ।
प्राप्ती महिला सञ्जालको आयोजनामा महिला जनप्रतिनिधि सहित वडा भित्रका महिलाहरुका लागि बोल्ने सिप र कलाको विकास र नेतृत्व विकासको लागि २ दिने उद्घोषण तालिम प्रदान गरिएको हो ।
वडाका महिला जनप्रतिनिधि र अन्य महिला दिदिबहिनीहरुलाई उद्घोषण कला सिकाउँदै आफ्नो मनको कुरा बाहिर ल्याउन सक्ने बनाउनको लागि तालिमको आयोजना गरिएको गलकोट नगरपालिका ४ का कार्यवहाक वडा अध्यक्ष कृष्ण बहादुर भण्डारीले बताए ।
महिलाहरु सार्वजनिक कार्यक्रममा बोल्न लजाउने, डर मान्ने जस्ता कारण पछाडी परेकाले यो तालिम अति नै आवश्यक रहेको कुरामा जोड दिए । कार्य वहाक वडा अध्यक्ष भण्डारीले आगामी दिनमा पनि महिलाहरुका लागि विभिन्न सिपमूलक तालिम तथा क्षमता विकासका कार्यक्रम ल्याईने बताए ।
तालिममा सहभागी महिलाहरुले भोलीका दिनमा तालिममा सिकेका कुराहरु व्यवहारमा लागु गरि अन्य कार्यक्रमहरुमा सदुपयोग गर्न आग्रह गरे । उनले उद्घोषण तालिमले महिलाहरुमा निडरता नेतृत्वदायी क्षमताको अभिवृद्वि गर्न सहयोग पुगेको उल्लेख गरे।
तालिमले क्षमता हुँदाहुँदै पनि बोल्न नसकेका महिलालाई निडर र आत्मविश्वास बढाउँदै उदघोषण कलामा दक्षता हाँसिल गर्न सहज पुग्ने सहभागी महिलाले बताए । उनीहरुले संस्थामा नेतृत्वदायी भुमिका निर्वाह गर्न र आफ्ना हक अधिकारका लागि भएपनि उद्घोषण तालिमले धेरै कुरा सिकाएको भन्दै खुसी व्यक्त गरेका छन् । उद्घोण तालिमले आफूलाई धेरै कुरा सिकाएको र अब कुनै पनि कार्यक्रम चलाउँदा वा बोल्दा ढुक्कले बोल्न सक्ने भएको सहभागी मिना खत्री गैरेले बताइन् ।
२ दिने उद्घोषण कला तालिममा उदघोषण कला भनेको के हो ? उदघोषकमा हुनुपर्ने गुणहरु, उद्घोषकले गर्न नहुने कुराहरु, ६ क को प्रयोग, बैठक व्यवस्थापन, माईनुट लेखन, संस्थामा सदस्यता प्रकार, कार्यक्रमका प्रकृति लगायतका विषयमा सामुदायिक रेडियो गलकोट एफ एमका प्राविधिक तथा प्रस्तोता थम्मन थापा सन्देशले सहजीकरण गरेका थिए ।
त्यस्तै तालिमको महत्व, आवश्यकता र व्यवहारिक ज्ञान, सामाजिक संघ संस्थामा महिलाको नेतृत्वदायी भुमिकाको विषयमा समाजसेवी तिर्थ सिंह भण्डारी र हेमराज गैरेले सहजीकरण गरेका थिए ।
कार्यक्रममा सञ्जालका कोषाध्यक्ष ईश्वरी गौतम न्यौपानेले धन्यवाद मन्तव्य ज्ञापन गरेकी थिइन् ।
तालिममा वडा भित्रका ४२ जना महिलाको सहभागिता रहेको थियो । कार्यक्रम प्राप्ती महिला सञ्जालका अध्यक्ष उमा न्यौपानेको अध्यक्षता, उपाध्यक्ष शान्ति चालिसेको स्वागत र सचिव कल्पना भण्डारीको सञ्चालनमा सम्पन्न भएको थियो ।
सम्बन्धित खबर
बागलुङमा रुखबाट खसेर एक जनाको मृत्यु
एमाले बागलुङको अध्यक्षमा पुनः केसी, सर्वसम्मत कमिटी चयन
महिलाहरुको लागि उद्घोषण सम्बन्धी तालिम
एमाले बागलुङको १० औँ जिल्ला अधिवेशनको तयारी पूरा
बागलुङ नारायणस्थानमा निःशुल्क स्वास्थ्य शिविर, २३ सय बढी लाभान्वित
प्रेस सेन्टर नेपाल बागलुङद्वारा स्वर्गीय पत्रकार बिक्रमको परिवारलाई आर्थिक सहयोग
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग