धनगढी — सुदूरपश्चिममा नेकपा (एकीकृत समाजवादी) संसदीय दलका नेता दीर्घ सोडारीले मुख्यमन्त्रीमा दाबी पेस गरेका छन् । यसअघि नेकपा एमालेले उनको नाममा समर्थन गर्न नसकिने अडान लिएको भए पनि अन्ततः एमालेले समर्थन गरेपछि सोडारीले दाबी पेस गरेका हुन् ।
सोडारीलाई एमाले, माओवादी केन्द्र, नागरिक उन्मुक्ति (रञ्जिता श्रेष्ठ समूहका सांसद) र स्वतन्त्र सांसदले समर्थन गरेका छन् । पहिलो पटकको आह्वानमा नागरिक उन्मुक्तिकै दुुई जना सांसदको दाबी पेस भएपछि प्रदेश प्रमुखले लक्ष्मण किशोर चौधरी र कैलाश चौधरी दुुवै जनालाई अस्वीकार गर्दै मंगलबार पुनः दाबी पेस गर्न आह्वान गरेका थिए ।
बिहीबार मुख्यमन्त्रीमा दाबी पेस गर्न दिइएको अन्तिम दिन हो । एकीकृत समाजवादीलाई मुख्यमन्त्री दिन तयार भए पनि एमालेले सोडारीलाई मुख्यमन्त्रीमा समर्थन गर्न नसकिने अडान लिएपछि बुुधबारदेखि अन्योल भएको थियो । एमालेले आफ्नो अडान कायम राखेमा एकीकृत समाजवादीले कांग्रेससँग मिलेर भए पनि दाबी पेस गर्ने तयारी पनि सँगसँगै थालेको थियो । त्यसका लागि कांग्रेस पनि एकीकृत समाजवादीलाई समर्थन गर्न तयार भएको थियो । यसअघि एकीकृत समाजवादीले सुदूरपश्चिममा केन्द्रीय सत्ता गठबन्धनविरुद्ध ‘विद्रोह’ गरेपछि हलचल पैदा भएको थियो ।
एकीकृत समाजवादीले कांग्रेस, राप्रपासँग सहकार्य गरेर नागरिक उन्मुक्तिका रेशम पक्षधर सांसद लक्ष्मण किशोर चौधरीलाई मुख्यमन्त्रीमा समर्थन गरेपछि केन्द्रीय सत्ता गठबन्धनमै तरंग पैदा भएको थियो । एकीकृत समाजवादीको कदमले केन्द्रीय सत्ता गठबन्धनमै असर पर्ने नेखिएपछि गठबन्धनका शीर्ष नेताहरु सुदूरपश्चिममा एकीकृत समाजवादीलाई मुख्यमन्त्रीमा समर्थन गर्न तयार भएका थिए ।
उक्त समझदारीपछि मंगलबार एकीकृत समाजवादीले समर्थन फिर्ता लिएपछि हलचल थामथुम भएको थियो ।
सम्बन्धित खबर
सरकार कामबाटै जनतामा आशा जगाउन चाहन्छ: सञ्चारमन्त्री गुरुङ
माधव नेपाललाई पार्टी फुट्ने चिन्ता, भन्छन्ः फेरि षड्यन्त्र गर्न थाले
दमकल दुर्घटनास्थल पुग्दा जहाज जलेर ध्वस्त भइसकेको थियोः प्रत्यक्षदर्शी
यूएस बंगलाको विमान दुर्घटनापछि साढे ६ वर्षमा त्रिभुवन विमानस्थलमा अर्को दुर्घटना
बागमतीको मुख्यमन्त्री भए कांग्रेसका बहादुरसिंह लामा
रातदिन खटेर काम गर्नुपर्ने बेला भएको भन्दै विदेश भ्रमण नजान प्रधानमन्त्रीको निर्देशन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग