पोखरा । पोखरा महानगरपालिका खेलकुद विकास समितिको आयोजना तथा महानगर क्रिकेट संघ पोखराको संयोजनमा पोखरा रंगशालामा जारी कंगारु एजुकेशन फाउण्डेशन टी–ट्वान्टी छात्रा क्रिकेट प्रतियोगिता अन्तर्गत मंगलबारका खेलहरुमा भद्रकाली मावि र अम्मरसिंह मावि विजयी भएका छन् ।
पहिलो खेलमा अम्मरसिंहले छोरेपाटन माविलाई ६ विकेटले पराजित गरेको हो । पहिला व्याटिङ गरेको छोरेपाटनले पुरा २० ओभरमा ९ विकेट गुमाएर ७५रन बनाएको थियो । उसका लागि सरस्वती दर्जीले १८ तथा प्रतिक्षा पौडेलले अभिजित १२ रन हानिन् । अम्मरसिंह माविको बलिङमा कृषा तिवारीले ३, चन्द्रमाया बराल र रक्षा फगामीले समान २ विकेट लिए ।
७६ रनको लक्ष्य पाएको अम्मरसिंह माविले ९.५ ओभरमा ४ विकेट गुमाएर जित निकाल्यो । अम्मरसिंहका लागि चन्द्रमाया बरालले १८ बनाइन् । छोरेपाटनका बलर अनुष्का थापाले ३ तथा नेहा गौतमले १ विकेट लिइन् । खेलमा अम्मरसिंहकी कृषा तिवारी सिपको साथी कफी क्लास प्लेयर अफ द म्याच भइन् ।
अर्को खेलमा भद्रकालीले लक्ष्मी माविलाई ६५ रनले पराजित गर्यो । पहिला व्याटिङ गरेको भद्रकालीले २० ओभरमा ६ विकेट गुमाएर १ सय ४१ रनको योगफल तयार पारेको थियो । सो खेलमा भद्रकालीका रिया तामाङले ३५ तथा रिसा तामाङले अभिजित १३ रन बनाइन् । लक्ष्मीका बलर सुप्रिया गुरुङले १ विकेट लिइन् । प्रत्युत्तरमा लक्ष्मीको पारी १६.१ ओभरमा ७६ रनमै समेटिन पुग्यो । लक्ष्मीका मुस्कान जैशवालले ९ रन बनाइन् । भद्रकालीका बलरहरु विशाखा महर्जन र कामना क्षेत्रीले समान ३ तथा रिया तामाङले २ विकेट लिइन् । खेलमा रिया सिपको साथी कफी क्लास प्लेयर अफ द म्याच भइन् ।
सम्बन्धित खबर
फिस्टेल एसइई कपको औपचारिक उद्घाटन
आजदेखि वाईवाई यु–१९ क्रिकेट, चार टोली भिड्ने
शिक्षकहरु लक्षित ह्याण्डबलको ५ दिने प्रशिक्षक/प्रशिक्षण सम्पन्न
जिभिपि युके लण्डनले जित्यो क्लब स्तरीय भलिबलको उपाधि
पोखरा साइकल दौडमा प्रकाश र उषा च्याम्पियन
पोखरामा शनिबार राष्ट्रिय साइकल दौड प्रतियोगिता
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग