जसपा नेपाल विभाजनमा सर्वोच्चको अल्पकालीन अन्तरिम आदेश

निर्वाचन आयोगको निर्णय यथास्थितिमा राख्न आदेश

गण्डक न्यूज बुधबार, २ जेठ २०८१

२ जेठ २०८१

काठमाडौँ — जनता समाजवादी पार्टी, नेपाल विभाजनसम्बन्धी अध्यक्ष उपेन्द्र यादवले दायर गरेको रिटमा सर्वोच्च अदालतले अल्पकालीन अन्तरिम आदेश जारी गरेको छ ।

निर्वाचन आयोगले वैशाख २४ गते गरेको निर्णय र सोका आधारमा भएका कामकारबाही जहाँ जे-जस्तो अवस्थामा छन्, सोही अवस्थामा राख्नु भनेर सर्वोच्चका न्यायाधीश विनोद शर्माको इजलासले बुधबार अल्पकालीन अन्तरिम आदेश जारी गरेको छ । थप छलफलका लागि दुवै पक्षलाई जेठ ८ गते बोलाइएको छ ।

पार्टीभित्रको विवाद चर्चिएपछि नेता अशोक राईले जसपा नामक पार्टी निर्वाचन आयोगमा दर्ता गराएका छन् ।