पोखरा । पोखरामा आयोजना हुने यू–१५ राष्ट्रिय जुनियर राष्ट्रिय प्रतियोगिताको सुरुवात गरेको छ ।

प्रदेश खेलकुद परिषद गण्डकीले राष्ट्रिय जुनियर यू–१५ मा आयोजना हुने विभिन्न ६ खेलका संघका पदाधिकारीहरु संग छलफल गरी तयारी सुरु गरेको जनाएको हो । यहि जेठ ३० देखि ३२ गते सम्म पोखरा मा आयोजना हुने यू–१५ राष्ट्रिय जुनियर प्रतियोगितामा ६ खेल हुनेछन् ।

प्रतियोगितामा एथलेटिक्स महिलारपुरुषतर्फ विभिन्न ८ इभेन्टहरु हुनेछन् । त्यसै गरी टिम गेम्सतर्फ महिलारपुरुष बास्केटबल र रग्बी, व्याडमिन्टन टेबुल टेनिस र बुद्धिचालका खेलहरु सञ्चालन हुनेछन् ।

परिषदले तयारी स्वरुप गरेको छलफलमा यहि जेठ २० गते भित्र सबै खेलका छनौट खेलहरु सम्पन्न गर्ने सदस्य सचिव श्रीधर शर्माले जानकारी दिएका छन् ।

सम्पन्न छलफलमा परिषदका सदस्यहरुलाई समेत प्रतियोगिता सफल बनाउन विभिन्न जिम्मेवारी समेत तोकिएको छ भने संघहरुलाई छनौट व्यवस्थापनको जिम्मेवारी दिइएको छ ।

राष्ट्रिय खेलकुद परिषदको आयोजना तथा प्रदेश खेलकुद परिषद गण्डकीको व्यवस्थापनमा हुने राष्ट्रिय यू–१५ जुनियर प्रतियोगिता पहिलो पटक आयोजना हुँदैछ । प्रतियोगितामा सात प्रदेशका खेलाडीहरुको सहभागिता हुनेछ ।