पोखरा नागढुंगा स्थित न्यू मोडल सेकेण्डरी स्कुलको आयोजनामा एसइई दिएर बसेका विद्यार्थी लक्षित फुटसल सञ्चालन गरिएको छ ।

प्रतियोगिता उद्घाटन गर्दै जनप्रिय बहुमुखी क्याम्पस व्यवस्थापन समितिका अध्यक्ष वीरेन्द्रनारायण बिजुक्षेले स्वास्थ्यका लागि खेल महŒवपूर्ण रहने भन्दै खेलाडीले अनुशासनपूर्वक खेल्नुपर्ने बताए ।

विद्यालय निर्देशक भरत गौतमको अध्यक्षतामा भएको प्रतियोगितामा ४० टिमले भाग लिएका छन् । २ दिनसम्म चल्ने प्रतियोगितामा पहिलो दिन बिहीबार पहिलो चरणका खेल सम्पन्न भइसकेका छन् ।

उपाधि विजेताले १० हजार, उपविजेताले ५ हजार साथमा ट्रफी, मेडल र प्रमाणपत्र प्राप्त गर्ने छन् । विद्यालय सहनिर्देशक लक्ष्मण पोखरेलले स्वागत मन्तव्य व्यक्त गरेको कार्यक्रमको सञ्चालक सहायक प्राचार्य पदम बस्ताकोटीले सञ्चालन गरेका थिए ।

विद्यालयले प्लस टुमा व्यवस्थापन र होटल म्यानेज्मेन्ट पढाउने गरेको छ ।