नेकपा एमालेले गण्डकी प्रदेशमा नेपाली कांग्रेस नेतृत्वको सरकारलाई दीर्घकालीन निर्णय नलिन चेतावनी दिएको छ। एमाले गण्डकी प्रदेश कमिटीले विज्ञप्तीमार्फत पाण्डे सरकारलाई सचेत बनाएको हो ।
संघीय तहमा नेकपा एमाले र नेपाली कांग्रेसले संयुक्त सरकार गठन गरिसकेको र त्यसैअनुरूप प्रदेशहरूमा पनि सरकार गठन-पुनर्गठन भइरहेका बेला एमालेसँगको सहमतिबिना दीर्घकालीन निर्णय नलिन भन्दै एमालेले गण्डकी प्रदेशको सरकारलाई सचेत गराएको हो।
गण्डकीमा कांग्रेसका सुरेन्द्रराज पाण्डे मुख्यमन्त्री छन्। यहाँ एमाले सरकारमा सहभागी भइसकेको छैन।
एमाले गण्डकी सचिव धनञ्जय दवाडीले बुधवार विज्ञप्ति जारी गर्दै भनेका छन्, ‘नेकपा एमाले र नेपाली कांग्रेसको सहमतिमा एमाले संसदीय दलका नेता केपी शर्मा ओलीको नेतृत्वलाई दुई तिहाई मतको विश्वास प्राप्त भई सरकारले कार्यारम्भ गरेको छ। केन्द्रीय राजनीतिमा भएको छलफल र सहमतिलाई कार्यान्वयन गर्न प्रदेशस्तरमा दलहरूबीच समन्वय भई प्रदेशका सरकारहरू गठन पुनर्गठन पनि भइरहेका छन्,’ विज्ञप्तीमा भनिएको छ, ‘गण्डकी प्रदेशको सरकारमा नेकपा एमालेको संलग्नता नभई दीर्घकालीन असर पुग्ने निर्णय गरिएकोमा नेकपा एमाले गण्डकी प्रदेश कमिटीको गम्भीर ध्यानाकर्षण भएको छ। दुई दलका बीचमा छलफल, समन्वय र सहकार्यका आधारमा मात्रै आगामी दिनमा सरकार सञ्चालित हुने हुँदा सहमतिविपरीत दीर्घकालीन असर पर्ने निर्णय नलिन गण्डकी प्रदेश सरकारलाई नेकपा एमाले आग्रह गर्दछ।’
सम्बन्धित खबर
अर्थमन्त्रीको बोलीमा ‘दुई तिहाइ’ को दम्भ
परराष्ट्रमन्त्री खनाल आइतबार चीन जाँदै, भारत भ्रमणमा जस्तो सीमाबारे चुप नबस्न ओलीको सुझाव
आफूमाथि प्रश्न गर्ने सांसदलाई अर्थमन्त्रीको चेतावनी- तपाईंहरूका काण्ड पनि खुल्नेछन्
एमाले अध्यक्ष ओली अस्पताल भर्ना
बालेननिकट नेतासँग कोशी प्रदेश सभापतिमा हारेपछि सरिनले छाडिन् रास्वपा
घर भत्काइएका सुकुम्बासीसँग गृहमन्त्री सुधनले माफी मागे
यो पनि पढौँ
शान्ति निकेतनमा कक्षा ११ का पहिलो ब्याचका विद्यार्थीलाई स्वागत र अभिमुखीकरण
प्रतिभाले नयाँ विद्यार्थीलाई सपथ खुवाउँदै गर्यो स्वागत
बेगनास तालमा पौडी खेल्ने क्रममा डुबेर युवकको मृत्यु
सचिवको एसएमएसमाथि प्रधानमन्त्री पदमा रहेकाबाट गरिएको ‘मजाक’लाई मन्त्री, सांसदको साथ