नेकपा एमालेले ७७ वटै जिल्ला इन्चार्जको जिम्मेवारी तोकेको छ । कास्कीकाे इन्चार्जको जिम्मेवारी केन्द्रीय सदस्य कृष्ण थापालाई ताेकिएकाे हाे ।

थापाले यस अघि पनि कास्की इञ्चार्जको जिम्मेवारीमा रहिसकेका छन् ।

बिहीबार बसेको सचिवालय बैठकले केन्द्रीय कमिटीका सदस्यको कार्यविभाजन, केन्द्रीय कमिटीमा मनोनयन र प्रदेश इन्चार्ज तोक्नेलगायत निर्णय गर्ने क्रममा जिल्ला इन्चार्जको जिम्मेवारी पनि तोकेको हो ।

कास्की प्रभा काेइरालालाई केन्द्रीय सदस्यमा मनाेनित गरिएकाे छ।

यस्तै, पूर्व अध्यक्ष राजीव पहारीलाई राष्ट्रिय युवा संघ नेपालको इन्चार्ज बनाएको छ । एमाले सचिवालय बैठकले युवा नेता पहारीलाई एमालेको भातृ संगठन युवा संघलाई कमाण्ड गर्ने गरी जिम्मेवारी तोकेको हो ।

राष्ट्रिय युवा संघ नेपालका पूर्व अध्यक्ष पहारी गण्डकी प्रदेश सभाका पूर्व सदस्य थिए । युवा संघको अध्यक्ष हुँदा मधेशमा पार्टीको अभियान चलाएपछि पहारी अध्यक्ष केपी शर्मा ओलीको प्रिय बनेका थिए ।

पहारीले युवा संघको इन्चार्जका अतिरिक्त कास्की निर्बाचन क्षेत्र नम्बर ३ को इन्चार्जको जिम्मेवारी समेत पाएका छन् । कास्कीका नेताहरुमा दोहोरो जिम्मेवारी पाउने उनी मात्रै हुन् ।

यस अघि युवा संघको इन्चार्ज महेश बस्नेत थिए । बस्नेतले भक्तपुर जिल्लाकी इन्चार्जको जिम्मेवारी पाएका छन् ।