गण्डकी प्रदेश, स्वास्थ्यमन्त्रालयले स्वास्थ्य सुधारका लागि अघि बढाएको अल्पकालिन, मध्यकालिन र दीर्घकालिन योजनाको विषयमा स्वास्थ्य मन्त्री कृष्ण प्रसाद पाठकले प्रधानमन्त्री केपी शर्मा ओलीलाई ब्रिफिङ गरी साथ सहयोगका लागि भेटेरै अनुरोध गरेका छन् ।

प्रधानमन्त्रीलाई भेटेर स्वास्थ्यमन्त्री पाठकले गण्डकीको स्वास्थ्य क्षेत्र सुधारमा आफूले एक सय नीति बनाएर अघि बढेको बताउदै कार्यान्वयनका लागि संघ सरकारको सहयोग समेत अवाश्यक रहेको उल्लेख गरे ।

स्वास्थमन्त्रीले गण्डकी प्रदेशको स्वास्थ्य क्षेत्रमा देखिएका समस्या, चुनौती र संभावनाहरुको साथै गण्डकीले अघि सारेको स्वास्थ्य सुधारका एक सय अल्पकालीन, मध्यकालीन र दीर्घकालीन कार्ययोजनाहरु समेत जानकारी गराएका छन् ।

जसमध्ये दीर्घकालिन र मध्यकालिन नीतिमा संघ सरकारको सहयोग आवश्यक रहेको प्रधानमन्त्री समक्ष स्वास्थ्यमन्त्रीले जानकारी गराएको बुझिन्छ ।

तत्काल गण्डकी प्रदेशको स्वास्थ्य क्षेत्रमा गर्नेपर्ने महत्वपुर्ण काम प्रदेश सरकार र स्वास्थ्य मन्त्रालय संग बजेटको अभाव भएका कारण प्रदेश सरकारले मात्र गर्न नसक्ने बिषयहरु बुँदागत रुपमा प्रधानमन्त्रीज्यु संग प्रस्तुत गरिएको स्वास्थ्यमन्त्री पाठकले जानकारी दिए ।

प्रधानमन्त्री ओलीले गण्डकीको स्वास्थ्य क्षेत्रको विकासमा चासो दिएको स्वास्थ्यमन्त्री पाठकले खुलाएका छन् ।

ओलीले नीतिमा रहेर काम गर्न आग्रह गर्दै र संघीय सरकारले आवश्यक सहयोग गर्ने आश्वासन समेत दिलाएको पाठकले बताए । १२ बुँदामा रहेको अत्यावश्यक कार्यक्रम र नीतिका लागि संघीय सरकारसंग अपेक्षा राखिएको स्वास्थ्यमन्त्री पाठकले जानकारी दिए ।

यस्ता छन् माग गरिएका १२ बुँदा