पोखरामा शुक्रबार बेलुकी ट्रकले ठक्कर दिँदा एक महिलाको मृत्यु भएको छ ।
पोखरा २५, याम्दीमा बेलुकी ७ बजेतिर भएको दुर्घटनामा रुकुम पश्चिम घर भई पोखरा याम्दी बस्दै आएकी ५५ वर्षीया धनकुमारी बुढाको मृत्यु भएको हो ।
घान्द्रुकबाट पोखरातर्फ आउँदै गरेको ग २ ख १४६० नम्बरको आइचर ट्रकले ठक्कर दिँदा गम्भिर घाइते भएकी बुढाको मणिपाल शिक्षण अस्पतालमा उपचारको क्रममा राति ७ः५५ बजेतिर मृत्यु भएको जिल्ला ट्राफिक कार्यालय कास्कीले जनाएको छ ।
घाइते बुढाको टाउकोमा गम्भिर चोट लागेको थियो । ठक्कर दिने ट्रक र चालकलाई प्रहरीले नियन्त्रणमा लिएको छ ।
धनकुमारी जेब्रा क्रसिङबाटै बाटो काटेको तर दौडिएर सडक पार गरेको सीसी फुटेजमा देखिन्छ । धनकुमारी श्रीमानसँगै सडक पार गर्न लागेको समयमा उनी भने अगाडि बढेको देखिन्छ ।
ट्रक जेब्रा क्रसिङमा समेत तीव्र गतिमा गुडेको भिडियोमा देखिन्छ । मृतक चर्चित सामाजिक अभियन्ता गिभिना मगरकी आमा हुन् ।
उक्त सवारी साधन र सवारी चालक पाँचथर फाल्गुनन्द गापा वडा नं. ३ स्थायी वतन भई हाल पोखरा वडा नं. १ बगर बस्ने वर्ष ४५ को पृथ्वीप्रसाद तामाङलाई नियन्त्रणमा लिई थप अनुसन्धान कार्य अगाडि बढाइएको कास्की प्रहरीले जनाएको छ ।
This will close in 4 seconds
सम्बन्धित खबर
पोखरामा थ्री–एस सुविधासहित बीवाइडीको आधिकारिक सर्भिस सेन्टर खुल्यो
कञ्चन पत्रकारिता पुरस्कार २०८३ बाट पत्रकारद्वय सारु र जिटी सम्मानित
मर्दी हिमाल पदयात्रामा गएका पोखराका तीन युवक बादलडाँडा क्षेत्रबाट सम्पर्कविहीन
बिक्रेतालाई ग्यास सञ्चित गरेर नराख्न आग्रह
पोखराको फिर्केखोला अतिक्रमण मुक्त बनाउने अभियान बीचमै रोकेपछि महानगरलाई ध्यानाकर्षण
संघीय कानुनसँग बाझिएपछि गण्डकी प्रदेश प्रमुख भट्टले प्रमाणीकरण नगरी फिर्ता गरे गाँजा विधेयक
यो पनि पढौँ
मर्दी हिमाल पदयात्रामा गएका पोखराका तीन युवक बादलडाँडा क्षेत्रबाट सम्पर्कविहीन
दुई किशोरीलाई गेस्ट हाउसमा लगेर सामूहिक बलात्कार गरेको आरोपमा दुई जना पक्राउ
बसले ठक्कर दिँदा सुनकोशीमा खसेकाे कारभित्र ४ यात्रु रहेको खुल्यो
गण्डकीका प्रदेश प्रमुख भट्टले गरे गाँजा विधेयक प्रमाणीकरण