पोखरा हार्डवयर एसोसिएसन कास्कीको अध्यक्षमा अर्जुनबहादुर थापा निर्वाचित भएका छन् । एसोसिएसनको शनिबार सम्पन्न ३१ औं साधारणसभा तथा १६ औं अधिवेशनले थापाको अध्यक्षतामा सर्वसम्मत कार्यसमिति निर्वाचित गरेको हो ।

उपाध्यक्षमा अमरबहादुर केसी र चन्द्रप्रसाद अधिकारी, महासचिवमा प्रतापराज पौडेल, सचिवमा रामेश्वर आचार्य, कोषाध्यक्षमा मनोजकुमार अधिकारी निर्वाचित भए । सदस्यमा बलबहादुर कुँवर, सुलोष कुँवर, दीपक पौडेल, विनोद केसी, हेमराज लम्साल निर्वाचित भए । शिवराज बास्तोला र महादेव गिरी सदस्यमा मनोनीत भए ।
कार्यक्रमको उद्घाटनमा पोखरा उद्योग वाणिज्य संघका अध्यक्ष गोकर्ण कार्कीले हार्डवयरसहितका व्यवसाय सञ्चालनमा व्यवसायीहरुमा परेका समस्या समाधानका लागि आफू लागीरहेको बताए ।

पोखरा महानगरपालिका ९ का वडाध्यक्ष दीपेन्द्र मर्सानीले पोखरामा कोसेली घर निर्माण गर्न लागिएको भन्दै त्यसमा हार्डवयर व्यवसायीहरुको साथ चाहेको सुनाए । पोखरा उद्योग वाणिज्य संघका महासचिव सुदीप प्रधानांगले हार्डवयर व्यवसायीहरुलाई परेका समस्या समाधानका लागी पोखरा उद्योग वाणिज्य संघ प्रयासरत रहेको बताए ।

एसोसिएसन कास्की अध्यक्ष पृथ्वीराज तिमिल्सिनाले व्यवसायीले खेपिरहेको आर्थिक मन्दीबाट छुटकारा पाइनेतर्फ आशावादी हुन आग्रह गरे ।