पोखरा । लोक कवि अली मियाँ स्मृति चौँथो खुल्ला सेभेन ए साइड फुटबल प्रतियोगितामा शुक्रबार ७ खेल सम्पन्न भएका छन् । पोखरा–१३ मा रहेको माछापोखरी फुटबल मैदानमा भएका खेलमा प्रिक्वाटरका ७ खेल भएका हुन् ।

सात खेलबाट ट्रेकर्स कफी, एन के (बी), लिभिक एफसी (बी), ए–७ ब्रोदर्श, एनएमवाइसी (बी), रामघाट (सेतो) र एनएमवाइसी (ए) ले क्वाटरफाइनलको यात्रा तय गरेका हुन् । यस पहिले बिहीबार भएको खेल जित्दै स्लामिक कल्याणकारी क्वाटरफाइनलमा पुगिसकेको छ ।

एल्सी ब्रोदर्शलाई शून्यका विरुद्ध १ गोल गदै टर््ेकर्सले जित निकालेको हो । एन के (बी)ले ब्रजला एफसीलाई १–० को अन्तरले पाछि पादै क्वाटर फाइनलको यात्रा तय गर्दा लिभिक एफसी (बी)ले रामाधाट (हरियो)लाई ४–१ को फराकिलो अन्तरले पाराजित गर्यो ।

एनबीएफसीलाई शून्यको विरुद्ध २ गोल गदै ए–७ ब्रोदर्शले अघिल्लो यात्रा पक्का गरेको छ । एनएमवाइसी (बी)ले ३–१ को सहज जित निकाल्दा बिटी क्लवलाई शून्यको विरुद्ध १ गोल गदै रामघाट (सेतो) अन्तिम ८ मा पर्न सफल भएको छ । पोखरा जब्सलाई १–२ को अन्तरले पछि पादै एनएमवाइसी (ए)ले खेल जितेको छ ।
शनिबार क्वाटरफाइनलका खेल हुने आयोजक समितिका शम्सुल हकले जानकारी दिए ।

प्रतियोगितामा प्रथम हुने टिमले १ लाख ४० हजार र द्धितीय हुने टिमले ८५ हजार पुरस्कार पाउने छन् । यस्तै विधागत तर्फ वेष्ट फरवाड, मिड–फिल्डर, डिफेन्सर, गोलकिपर र हाइस्केररलाई नगद ५÷५ हजारले पुरस्कार पाउने छन् । नेपाल मुस्लिम युवा समिति पोखरा–१३ को आयोजनामा भएको प्रतियोगिता यही माघ २० गतेसम्म चल्ने छ ।