पोखरा । नेपाल शैक्षिक परामर्श संघ (इक्यान) चितवनद्वारा आयोजित अन्तर इक्यान राष्ट्रिय फुटसल प्रतियोगितामा इक्यान पूर्वाञ्चललाई हराउँदै इक्यान कास्की विजयी भएको छ । शनिबार सम्पन्न फाइनल खेलमा पूर्वाञ्चललाई ७–० गोल अन्तरले हराउँदै कास्कीले फुटसलको उपाधि हात पारेको इक्यान कास्कीका उपाध्यक्ष सन्तोष शाहीले बताए ।

फुटसल प्रतियोगिताको विजेता इक्यान कास्कीले ६६ हजार नगद, ट्रफी, प्रमाणपत्र र मेडल प्राप्त गरेको छ भने उपविजेता इक्यान पूर्वाञ्चलले ३६ हजार नगद, ट्रफी, प्रमाणपत्र र मेडल प्राप्त गरेको छ । सात वटा टिमको सहभागिता रहेको फुटसल प्रतियोगिताका विजेता र उपविजेता टिमलाई प्रमुख अतिथि इक्यानका केन्द्रीय अध्यक्ष शेषराज भट्टराई प्रथम उपाध्यक्ष लक्ष्मण पौडेल लगाएत बाट पुरस्कार वितरण गरिएको थियो ।

प्रतियोगीतामा काठमाडौ,कास्की पुर्वान्चल, मकवानपुर र रुपन्देहीबाट एक एक टिम र आयोजक टिम चितवन बाट २ टीम गरी जम्मा ७ टीमको सहभागीता रहेको आयोजक समितीका संयोक प्रज्वल पौडेल ले जानकारी दिए । कार्यक्रममा सहभागी सबै टीमलाई धन्यवाद दीदै चितवन जिल्लाले स्वास्थ्यको लागी खेलकुद भनेर आयोजना गरेको यो प्रतियोगीताले इक्यानमा आवद्ध हुनुभएका सम्पुर्ण परामर्श दाताहरुमा एक अर्कामा संवन्ध झन प्रगाड बनाएको बताए । इक्यान चितवनका कोषाध्यक्ष लक्ष्मण कँडेलले संचालन गरेका कार्यक्रको धन्यवाद सहित समापन चितवन जिल्ला अध्यक्ष दिपकचन्द्र भट्टराईले गरेका थिए।