पोखरा । अनेरास्ववियु पोखरा महानगर कमिटीले संगठन स्थापना दिवसको अवसरमा माध्यमिक विद्यालयस्तरीय वक्तृत्वकला प्रतियोगिता गरेको छ ।

संगठनको ६१ औं स्थापना दिवसको अवसरमा बिहीबार प्रतियोगिता आयोजना गरिएको हो । प्रतियोगितामा पोखरा युनाइटेडकी मोनिका पौडेल प्रथम र नेसनल इन्भेटिभ सेकेन्डरी बोर्डिङकी शुभेच्छा शाक्य द्वितीय भए । प्रथम र द्वितीयले क्रमशः ५ हजार र ३ हजार रुपैयाँ र प्रमाणपत्र पुरस्कार पाए ।

प्रतियोगितामा २१ जना विद्यार्थी सहभागी भएको अनेरास्ववियु महानगर कमिटी अध्यक्ष सागर अधिकारीले जानकारी दिए ।

कार्यक्रममा नेकपा एमाले महानगर कमिटी अध्यक्ष जीवन आचार्य, महानगर कमिटी सचिव सुशील बस्नेत, सदस्य विनोद भण्डारी, अनेरास्ववियु केन्द्रीय लेखा आयोग अध्यक्ष सुनिल तिमिल्सिना, केन्द्रीय सदस्य बिनय पराजुली, अनेरास्ववियु गण्डकी प्रदेश कमिटी उपाध्यक्ष विश्वदर्शन पराजुली, अनेरास्ववियु जिल्ला कमिटी अध्यक्ष सन्तोष पोखरेल, उपाध्यक्ष कुशल बराललगायत यपस्थित थिए ।

प्रतियोगिता तालबाराही माध्यमिक विद्यालयको सभाहलमा भएको थियो ।