पोखरा १५ मा जारी निःशुल्क दन्त शिविरको दोस्रो दिन १५० जनाले सेवा लिएका छन्।  पोखरा कम्युनिटी सेन्टरको आयोजना तथा वडा कार्यालय १५ को समन्वयमा आयोजित   शिविरमा शुक्रवार १५० जनाले सेवा लिएको कम्युनिटी सेन्टर पोखराले जानकारी दिएको छ।

शिविरमा अमेरिकाको क्रिकल्याण्ड कर्नरस्टोन डेन्टल बाट आएका डा. से जिन एनको १५ चिकित्सकीय टोलीले अत्याधुनिक मेसिनद्वारा दन्त परीक्षण गरिरहेको छ ।

शिविरलाई वडा कार्यालय १५ का जनप्रतिनिधि र कम्युनिटी सेन्टरका प्रतिनिधिले सहजीकरण गरिरहेका छन्।

शुक्रवारको शिविरमा युवायुवतीदेखि वृद्ध वृद्धा सम्मको भीड लागेको छ। विशेषज्ञहरू द्वारा अत्याधुनिक मेसिनबाट निःशुल्क दन्त शिविर सञ्चालन भएको थाहा पाएर परीक्षणका लागि आएको अधिकांशले सुनाए।

चार दिनको शिविर भनिए पनि भोली शनिवार परेकाले आगामी शिविर आइतबार सानीपाटन स्थित कम्युनिटी सेन्टरको भवनमा सञ्चालन हुनेछ।