काठमाडौँ । नेपाल स्टक एक्सचेन्ज (नेप्से) मा बुधबार उत्साहजनक वृद्धि देखिएको छ । आज सेयर बजार परिसूचक ५३.०१ अङ्कले बढेर २८१९.१० विन्दुमा पुगेको छ। यो २.०४ प्रतिशतको वृद्धि हो ।

आज बजारमा कुल ७ अर्ब ६८ करोड ३३ लाख रुपैयाँको कारोबार भएको छ । यस अवधिमा कुल १ करोड ४९ लाख ८६ हजार कित्ता सेयर खरिदबिक्री भएका छन् ।

बजारमा आज २३२ कम्पनीको सेयर मूल्यमा वृद्धि भएको छ भने १९ कम्पनीको मूल्य घटेको छ। कुनै पनि कम्पनीको सेयर मूल्य अपरिवर्तित रहेन ।

आजका प्रमुख कमाउने कम्पनीहरूमा विकास हाइड्रोको सेयर मूल्य १० प्रतिशतले बढेर ५१७.२० पुगेको छ। त्यसैगरी, समता घरेलु लघुवित्तको ९.३६ प्रतिशतले वृद्धि भई ९५७.९८ रुपैयाँ पुगेको छ ।

कारोबार रकमका आधारमा हिमालयन रिइन्स्योरेन्स कम्पनी अगाडि रह्यो । उक्त कम्पनीले सर्वाधिक ६५ करोड ४२ लाख ७४ हजार २५५ रुपैयाँ ७० पैसाको कारोबार गरेको छ ।

त्यस्तै, नेपाल पुनर्बीमा कम्पनीले ५० करोड ५२ लाख ७६ हजार २७७ रुपैयाँ, ग्रीन भेञ्चरले ले ४६ करोड ५३ लाख ७९ हजार ४०७ रुपैयाँको कारोबार गरेको छ ।

बजारमा आज सबै समूहमा हरियाली हुँदा सबैभन्दा धेरै ३.४० अङ्कको वृद्धि देखिएको छ । इन्भेष्टमेन्ट, जीवन बीमा, उत्पादन तथा प्रशोधन, अन्य र ट्रेडिङ समूहमा पनि २ प्रतिशत माथिको वृद्धि रहेको छ ।

बजारको वृद्धिका बाबजुद सिटिजन्स र कुमारी बैंकको डिवेञ्चरको मूल्य ५ प्रतिशत भन्दा धेरैले घटेको छ ।