स्याङ्जाको बिरुवा गाउँपालिकाले सञ्चालन गरेको निःशुल्क आँखा शिविरबाट पाँच सयभन्दा बढी स्थानीयले सेवा लिएका छन् । गाउँपालिकाका विभिन्न स्थानमा तीन दिनसम्म सञ्चालन गरिएको शिविरमा कुल ५ सय ११ जनाले आँखा परीक्षण गराएका हुन् ।
गाउँपालिका अध्यक्ष सूर्य बहादुर कुँवरका अनुसार चैत २३ गते वडा नं. ६ स्थित बिरुवा आधारभूत अस्पताल, चिन्नेबासमा २ सय १७ जनाको जाँच गरिएको थियो । त्यसैगरी २४ गते वडा नं. ४ को ओरस्टे स्वास्थ्य चौकीमा १ सय ७० जना र २५ गते वडा नं. ३ को कार्यालय परिसर, खालीमा १ सय २४ जनाले सेवा लिएका थिए ।
शिविरमा जाँच गरिएकामध्ये ३९ जनामा मोतियाबिन्दुको समस्या देखिएको स्वास्थ्य शाखाले जनाएको छ । तीमध्ये चिन्नेबासमा २०, ओरस्टेमा ७ र खालीमा १२ जना रहेका छन् । ती बिरामीहरूको निःशुल्क शल्यक्रियाका लागि केही दिनभित्रै गाउँपालिकामै अप्रेसन शिविर सञ्चालन गर्ने तयारी गरिएको अध्यक्ष कुँवरले बताए ।
शिविरमा सहभागीलाई आवश्यकताअनुसार औषधि तथा चस्मा पनि वितरण गरिएको थियो । गाउँपालिकाले यसअघि गत वर्ष वडा नं. ४, ७ र ८ मा यस्तै शिविर सञ्चालन गरेको थियो भने यस वर्ष थप तीन वडामा सेवा विस्तार गरिएको हो ।
बिरुवा गाउँपालिकाको आयोजनामा सम्पन्न शिविरमा बीएम फाउण्डेशन काठमाडौं र हिमालय आँखा अस्पताल पोखराले प्राविधिक सहयोग गरेका थिए ।
This will close in 4 seconds
सम्बन्धित खबर
सार्वजनिक स्थलमा धूम्रपान र सूर्ति सेवन नगर्न प्रशासनको आग्रह, उल्लंघन गरे कारबाही हुने
बिलभन्दा बढी सामान बोकेको बोलेरो नियन्त्रणमा
बोक्रो फेरिँदैमा भित्री गुदी फेरिँदैन : सांसद रेग्मीलाई अर्जुनचौपारीको व्यंग्यात्मक जवाफ
स्याङ्जाका पालिकामा बेरुजु घट्यो, अझै १३ करोडभन्दा बढी हिसाब मिलेन
सेवाग्राहीमैत्री प्रहरी सेवा : प्रहरी कार्यालय पुग्ने नागरिकलाई अब ‘सहजकर्ता’को साथ
पाँच–दस मिनेटमै नागरिकता, स्याङ्जा प्रशासनको नयाँ प्रणालीले घटायो लाइन र भनसुन
यो पनि पढौँ
फिर्के खोलाका संरचना जेठ ९ गतेभित्र हटाउन महानगरको अन्तिम चेतावनी
फेवातालमा पौडी खेल्ने क्रममा डुबेर मृत्यु
सबै यात्रु पिसाब फेर्न ओर्लिनासाथ जिप भिरबाट खस्यो, चालकको मृत्यु
रविसँग रास्वपा सांसदका गुनासो, ‘प्रधानमन्त्री र मन्त्रीको सचिवालयले पनि टेरेन’