नेकपा एमालेका अध्यक्ष केपी शर्मा ओलीले राष्ट्रपतिबाटै लोकतन्त्रलाई कमजोर पार्ने काम भएको टिप्पणी गरेका छन् ।
शनिबार काठमाडौंमा एमालेको नेशनल भोलिन्टियर फोर्सको पहिलो स्थापना दिवसमा आयोजित कार्यक्रममा ओलीले तत्कालिन सरकारको सिफारिसमा असंवैधानिक रुपमा प्रतिनिधिसभाको विघटन गरेर राष्ट्रपतिले लोकतन्त्रलाई कमजोर पार्ने काम गरेको बताए ।
उनले प्रधानन्यायाधीश भइसकेका प्रधानमन्त्रीको सिफारिसमा राष्ट्रपतिले डराएर संसद बिघटन गरेको आरोप लगाए । अध्यक्ष ओलीले प्रतिनिधिसभाको विघटनविरुद्ध अदालतमा मुद्दा दर्ता गर्दा फैसला नगरि चूप लागेर बसेको बताए । उक्त मुद्दामा जस्तो फैसला आएपनि एमालेलाई स्वीकार्य हुने उनको भनाइ छ ।
उनले लोकतान्त्रिक संस्थाहरु संवैधानिक तवरले चल्न नसकेको उल्लेख गरे । अहिलेको सरकार बन्ने सिलसिला असंवैधानिक, अलोकतान्त्रिक र आतंकपूर्ण आगजनी तथा तोडफोडबाट सुरु भएको उनले दाबी गरे । अध्यक्ष ओलीले देशभित्र कुनै पनि प्रकारका बेथिति हुन नदिन सचेत गराउने, बेथिति रोक्ने र रोकेरै छाड्ने प्रतिबद्धता व्यक्त गरे ।
उनले रहर पूरा गर्न नभई विकट परिस्थितिमा तात्कालिक र दीर्घकालीन प्रतिवाद गर्ने हिसाबले नेसनल भोलेन्टियर फोर्स बनाइएको स्पष्ट पारे । अध्यक्ष ओलीले विकास निर्माण र उद्यमशीलतामा नमूना तथा दृष्टान्त बनेर अघि बढ्न र जनता वा देशलाई अप्ठ्यारो पर्दा उभिन भोलेन्टियर फोर्सलाई निर्देशन दिए ।
सम्बन्धित खबर
राष्ट्रपतिले डरपोक भएर प्रतिनिधिसभाको असंवैधानिक विघटन गर्नुभयोः ओली
आरजु र मलाई जेनजीले बचाएका हुन्, जेनजीको नाममा ५० वर्ष पुगेकाहरू लाठा बोकेर आएका थिए: देउवा
प्रधानमन्त्री आइतबार भारत भ्रमणमा जाँदै, नयाँ दिल्लीको एयरपोर्टमा राज्यमन्त्रीले स्वागत गर्ने
‘प्रधानमन्त्रीले सभापतिलाई थुने वा सभापतिले टेकओभर गरी प्रधानमन्त्री भए आश्चर्य मान्नु पर्दैन’
जो आउँछ, ओली, प्रचण्ड र देउवालाई थुन्दिन्छु भन्छ, हामीमाथि मजाक गर्ने: ओली
एमालेको राष्ट्रिय भेलामा सहभागी हुन थाले टोपबहादुर रायमाझी
यो पनि पढौँ
पोखराका विवेक थापा: चलचित्रप्रतिको मोहले व्यवसायीबाट बने फिल्म निर्माता
स्याङ्जामा ४४४ मिटर लामो झोलुङ्गे पुल सञ्चालनमा, एक घण्टाको यात्रा १५ मिनेटमा
१८ वर्षभन्दा कम किशोरकिशोरीबीच सहमतिमा यौन सम्बन्ध भए जबरजस्ती करणी नमान्ने प्रस्ताव
अवकाश जीवन फलफूल खेतीमा लगाउँदै पूर्वएआईजी आचार्य