पोखरा । गण्डकी प्रदेशमा नेपाल समाजवादी पार्टी (नेसपा) का फणीन्द्र देवकोटा फेरि ऊर्जा मन्त्री बनेका छन् । एमालेले छोडेको मन्त्रालयमा देवकोटालाई ऊर्जा मन्त्रालयको जिम्मेवारी दिइएको हो ।

यसअघि देवकोटाले नै छोडेपछि कांग्रेसका नन्दप्रसाद न्यौपाने यो मन्त्रालयको जिम्मेवारीमा थिए । न्यौपानेको जिम्मेवारी हेरफेर गरिएको छ । न्यौपानेलाई भौतिक मन्त्रालयको जिम्मेवारी दिइएको छ । गण्डकीमा भौतिक र ऊर्जा मन्त्रालय सबैभन्दा बढी बजेट भएका मन्त्रालय हुन् ।

प्रदेश प्रमुख डिल्लीराज भट्टले बुधबार नै देवकोटालाई मन्त्री पदको शपथ गराएका हुन् ।

देवकोटाले जेन-जी आन्दोलनपछि मन्त्री पदबाट राजीनामा दिएका थिए । सरकारबाट बाहिरिए पनि उनले मुख्यमन्त्री पाण्डे नेतृत्वको सरकारलाई समर्थन गर्दै आएका थिए ।

एमालेका चार मन्त्रीले सामूहिक राजीनामा दिएपछि गण्डकी सरकारका चार मन्त्रालय रिक्त भएका थिए । भूमि व्यवस्था, कृषि तथा सहकारी र स्वास्थ्य मन्त्रालय भने मुख्यमन्त्रीसँगै रहेको छ ।