पोखरा । नेकपा एकीकृत समाजवादीले आगामी मंसिर ४ गते हुने प्रदेशसभा तथा प्रतिनिधिसभा निर्वाचनका लागि कास्कीका सबै क्षेत्रबाट उम्मेदवार सिफारिस गरेको छ । कास्कीमा ६ प्रदेशसभा र ३ प्रतिनिधिसभा क्षेत्र गरी कूल ९ क्षेत्र छन् ।

शनिबार बसेका पार्टीका छुट्टा छुट्टै बैठकले प्रत्यक्ष र समानुपातिक तर्फका उम्मेदवार सिफारिस गरेको हो । प्रतिनिधिसभामा प्रत्यक्षतर्फ कास्की क्षेत्र नं १ बाट श्रीनाथ बराल र प्रदेश सभा १ (ख) मा प्रत्यक्षतर्फ पूर्ण लामाको एकल नाम सर्वसम्मत सिफारिस भएको छ ।

समानुपातिकतर्फ चुडामणि जंग‌ली , दिलकुमारी पन्त र जैनब खातुन उम्मेदवारका रुपमा सिफारिस भएका छन् । प्रदेश सभा १ (क) मा प्रत्यक्षतर्फ मदन केसी, दिननाथ ढकाल, माधव तिवारी र कपिल पौडेल उम्मेदवार सिफारिस हुँदा समानुपातिकतर्फ शारदाप्रसाद सुवेदी, विजयबाबु वनवासी र सुमित्रा अधिकारी सिफारिस भएका छन्।  यो क्षेत्रबाट समानुपातिकतर्फका उम्मेदवारमा गजकुमारी गुरुङ, डिकबहादुर राई (डिबी), डिलाराम लामिछाने, तिलबहादुर विक र चन्द्रकिशोर गौतमको नाम छ ।

प्रतिनिधिसभातर्फ क्षेत्र नं २ बाट प्रत्यक्षतर्फ उम्मेदवारमा तुलबहादुर गुरूङ, भरत बस्नेत, शिवजी गुरुङ, मदन आचार्य, दाताराम आचार्य र सर्मिला पौडेल सिफारिस भएका छन् । प्रदेशसभा २ (क) बाट प्रत्यक्षमा झपिन्द्रराज रेग्मी, प्रेम थापा, खेमराज आचार्य, दानकुमारी शर्मा, सीता पौडेल, मोतीराम बराल, खड्ग हमाल, शिवराज आचार्य, लेखराज भण्डारी र रामचन्द्र पौडेल सिफारिसमा परेका छन् । रत्ना गुरुङ, मदनकाजी श्रेष्ठ, ढाकामोहन पराजुली, सुशील बस्नेत, देवेन्द्र बास्तोला, दामोदर शर्मा, बुद्धिबहादुर रानाभाट र रवीन्द्रराज पौडेल प्रदेश सभा २ खबाट उम्मेदवार सिफारिस भएका छन् ।

प्रतिनिधिसभा निर्वाचन क्षेत्र नं ३ बाट एकीकृत समाजवादीले प्रत्यक्षतर्फ कृष्ण नेपाली, प्रेमप्रसाद पौडेल, नवराज पहारी र मेनका आचार्यको नाम सिफारिस गरेको छ । प्रदेश सभा ३ (क) बाट दलबहादुर गुरुङ, हिमलाल तिमिल्सिना, गोपाल गिरी, विवेक भुजेल, बाबुराम भण्डारी, कृष्णप्रसाद अधिकारी, असिम गुरुङ, करुणा पराजुली, भीमाकुमारी पौडेल र अनिता दमैको नाम सिफारिस भएको छ । होमबहादुर नेपाली, हेमकुमार श्रेष्ठ, जगन्नाथ अधिकारी, अर्जुनबहादुर केसी, भुवनेश्वर सुवेदी, देवेन्द्रराज सुवेदी, संगिता केसी, केदारनाथ न्यौपाने, तुलसीप्रसाद बराल र सुरेश जिसी प्रदेश सभा ३ (ख) बाट उम्मेदवारमा सिफारिस भएका छन् ।

सत्ता गठबन्धनमा कास्कीमा एकीकृत समाजवादीले प्रतिनिधिसभातर्फ १ र प्रदेशसभातर्फ २ सिट दाबी गरेको कास्कीका सहसचिवसमेत रहेका पूर्ण लामाले जानकारी दिए । एकीकृत समाजवादी पहिलो पटक प्रदेश र प्रतिनिधिसभा निर्वाचनमा सहभागी हुँदै छ । अघिल्लो निर्वाचनमा प्रतिनिधिसभाका ३ क्षेत्रमै एमाले उम्मेदवार विजयी भएका थिए । ६ प्रदेशसभा क्षेत्रमध्ये २ वटामा माओवादी केन्द्र र १ क्षेत्रमा कांग्रेस उम्मेदवारले जितेका थिए । बाँकी ३ क्षेत्र एमालेले जितेको थियो । सत्ता गठबन्धनमा कास्कीका क्षेत्र बाँडफाँटबारे औपचारिक छलफल सुरु भएको छैन ।