पोखरा । गण्डकी प्रदेशको पोखरामा भइरहेको नवौं राष्ट्रिय खेलकुद अन्तर्गत पुरुष बास्केटबल तर्फ आज चौथो दिनका खेलहरु जारी छन्।

पोखरा रगंशालामा आज सोमबार सम्पन्न ‘फाइभ अन फाइभ’ बास्केटबल प्रतियोगिता अन्तर्गत समुह ए तर्फको पहिलो खेलमाआर्मीले पुलिसमाथी सहज जित निकालेको छ। आर्मी र पुलिस क्लबबिच भएको खेलमा आर्मीले पुलिसलाई १०६–८२ स्कोरले पराजित गरेको छ।

खेलको पहिलो सेटमा २६– २९ स्कोर र दोस्रो , तेस्रो, चौथोमा क्रमशः ३३–१९, २७–१३, २०–२१ अङ्क ल्याएको थियो। आर्मीलाई जिताउन आयुश सिङ जर्सी न ४ ले सर्वाधिक ३२ अकं ल्याएका थिए।

त्यस्तै समुह ए तर्फको दोस्रोे खेलमा बागमतीले प्रदेश १ लाई ८७–४४ स्कोरले पराजित गरेको छ। बागमतीका खेलाडी प्रजुन महर्जनले हाइस्कोर २२ अङ्क जोडेका थिए।

आजनै सम्पन्न ‘थ्रि अन थ्रि’ खेल तर्फ समुह ए तर्फ एपिएफले प्रदेश १ लाई २१–१० स्कोरले पराजित गरेको छ। भने दोस्रो खेलमा नेपाल पुलिसले मधेश प्रदेशलाई १९–०७ स्कोरले पराजित गरेको छ।

त्यस्तै आज नै सम्पन्न समुह बि तर्फको खेलमा गणडकी प्रदेशले लुम्बिनि प्रदेशलाई २१–०३ स्कोरले पराजित गरेको छ। त्यसैगरी दोस्रो खेलमा बागमतीले २१–१२ स्कोरले पराजित गरेको छ। आज दिउँसो २ बजेबाट फाइभ अन फाइभ अन्तर्गत समुह बि का दुई खेलहरु हुँदै छन्।