स्याङ्जा । नेपाली सेनाको श्रमदानबाट निर्मित हेलिप्याड हरिनास गाउँपालिकालाई हस्तान्तरण गरिएको छ ।
स्थानीय तहको बजेट तथा नेपाली सेनाको जनशक्ति श्रमदानमा `एक आर्थिक वर्ष, एक युनिट जोडी हेलिप्याड निर्माण´ गर्ने योजना अनुरुप स्याङ्जाको हरिनास गाउँपालिका -४ चुलिडाँडा स्थित सार्वजनिक जग्गामा हेलिप्याड निर्माण गरिएको समरजित गुल्म स्याङ्जाका गुल्मपति सेनानि दिपेश खड्काले जानकारी दिए ।
हरिनास गाउँपालिकाको आर्थिक व्यवस्थापन र समरजित गुल्म स्याङ्जाको श्रमदानबाट निर्माण गरिएको हेलिप्याडको श्री नं. ३ बाहिनी अड्डा खैरेनीटार ब्यारेक तनहुँका बाहिनीपति सहायक रथी गौरव कुमार केसीबाट शिलालेख अनावरण तथा समुद्घाटन गरी पालिकाका प्रमुख खिम नारायण मानन्धरलाई हस्तान्तरण गरिएको सेनानि खड्काले बताए ।
श्री नं. ३ बाहिनी अड्डाका बाहिनीपति स.र. गौरव कुमार केसीको प्रमुख आतिथ्यतामा सम्पन्न हस्तान्तरण कार्यक्रममा हरिनास गाउँपालिकाका प्रमुख, उप-प्रमुख, वडा अध्यक्षहरु, जिल्लास्थित सुरक्षा निकायका प्रतिनिधिहरु, स्थानीयवासी, पत्रकार लगायतको उपस्थिति रहेको थियो ।
सोहि कार्यक्रममा समरजित गुल्मले गरेको सहयोगको उच्च कदर गर्दै गुल्मपति सेनानि दिपेश खड्कालाई हरिनास गाउँपालिकाले प्रशंसा पत्र प्रदान गरेको थियो ।
सम्बन्धित खबर
स्याङ्जामा ट्राफिक सप्ताह सुरु
स्याङ्जा साल्मेडाँडाको गोर्खा स्मारक निर्माण कार्यलाई तीव्रता दिइने
स्याङ्जा आँधिखोलामा डुबेर ६८ वर्षीया पविसराको मृत्यु
स्याङ्जामा गस्ती गएका प्रहरीमाथी कुटपिट, चौकी इन्चार्जलाई कुट्ने दुई युवा पक्राउ
स्याङ्जामा आगलागीका घटना दिनहुँ बढ्दै, लाखौंको क्षति
बिरुवा प्रज्ञा प्रतिष्ठानले बृहत लोक सांस्कृतिक कार्यक्रम गर्ने
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग