पोखराको सेती नदीमा एक युवकको शव भेटिएको छ । शव कास्की माछापुच्छ्रे गाउँपालिका वडा नं. १ करूवाका २५ वर्षीय जगत पुनको भएको कास्की प्रहरीले जनाएको छ । युवक मृत भेटिँदा घाटमा कपडा फुकालेर वेपत्ता ८४ वर्षीय बृद्ध भने अझै बेखबर छन् ।
प्रहरीका अनुसार पुन वैशाख १ गते राति ८ः३० बजे घरबाट हिंडेर सम्पर्कविहीन भएका थिए । आफन्तले उनको खोजीगर्ने क्रममा सोमबार बिहान १०ः२० बजे घरभन्दा केही तल सेती नदी किनारमा उनले लगाएको चप्पल र उनको झोला भेटिएको थियो । पुनका परिवारजनले यो सूचना कास्की प्रहरीलाई जानकारी दिएका थिए ।
त्यसपछि वडा प्रहरी कार्यालय बगरबाट प्रहरी टोली, सशस्त्र प्रहरी बल, नेपाली सेनाको समेत रेस्क्यु टोली, स्थानीय, आफन्तजनको सहकार्यमा खोजी गरिएको थियो ।
खोजी गर्दै जाँदा सोमबार दिउँसो २ः१५ बजे सेती नदीको ढुंगामा अड्किएको अवस्थामा पुनको शव भेटिएको प्रहरीले जनाएको छ ।
उनको शव नदीबाट निकालेर पोष्टमार्टमका लागि पठाइएको र घटनाबारे अनुसन्धान सुरु गरिएको प्रहरीले जनाएको छ ।
यस्तै, पाेखरा वडा नं. २९, नमर्देश्वर घाटमा कपडा खाेलेर ठूलाखोर घर भएका जिसी आइतबार साँझ करिब ५ बजेकाे समयमा बेपत्ता भएका थिए । उनको पनि खाेजी कार्य जारी रहेको छ ।
सम्बन्धित खबर
लेकसाइडको स्पा (मसाज) सेन्टरबाट ६ जना बालिकाको उद्धार
‘सबै जलविद्युत आयोजनाले खोलामा कम्तिमा १० प्रतिशत पानी अनिवार्य छाड्नुपर्छ’
मदन–आश्रितको सम्झनाः पोखराको स्मृति पार्कमा माल्यार्पणसँगै सरसफाई, जबजको विशेषताबारे विवेचना
पोखरा अन्तर्राष्ट्रिय विमानस्थलबाट अन्तरदेशीय उडान गर्न प्रोत्साहन प्याकेज
पोखरामा खुकुरी प्रहार गरी फरार भएका २ जना पक्राउ
पोखरामा लागुऔषध गाँजा सहित एक जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग