पोखरा । कास्कीको माछापुच्छ्रे गाउँपालिकामा अवस्थित मर्दी हिमाल आधार शिविरमा भेटिएको मानव अवशेष पदयात्राका क्रममा बेपत्ता भएका स्वीडेन युवककै हुन सक्ने दाबी प्रहरीले गरेको छ ।
हालसम्मको प्राप्त प्रमाणका आधारमा उक्त कंकाल स्वीडनका नागरिक २० वर्षीय मिचल लिउ ब्लोम्बर्गकै भएको देखिने जिल्ला प्रहरी कार्यालय कास्कीले जनाएको छ ।
मिचल लिउले लगाएको ट्राउजर र भेटिएको ट्राउजर उस्तै देखिएकाले स्विडिस नागरिक हुने दाबी पुष्टि हुने जिल्ला प्रहरी कार्यालय कास्की प्रमुख मोहन थापाले जानकारी दिए ।
यद्यपि उनले अनुन्धान टोली कंकाल भेटिएको ठाउँमा जाँदै गरेको बताए ।
५ जनाको प्रहरी टोली, वडाध्यक्ष हरिबहादुर क्षेत्रीको नेतृत्वमा भेडी गोठाला, मालिक त्यसतर्फ हिँडेका छन् । घटनास्थलमा भने टोली भोलिमात्र पुग्नेछ ।
मिचल गत पुस १४ गतेदेखि मर्दी हिमाल पदयात्राको क्रममा बेपत्ता भएका थिए । मर्दी हाइ क्याम्पबाट बिहान ४ बजेतिर बेस क्याम्प हिँडेका २० वर्षीय लिउ बेलुका होटल नफर्किएपछि खोजी सुरु भएको थियो । केही दिन हेलिकप्टरसहित खोजी जारी राखे पनि उनको अवस्था अज्ञात छ ।
भेडीगोठालोले निगालोघारी नजिकै कंकाल फेला पारेका हुन् । भालुले खाएर हाडखोर मात्र बाँकी रहेको हुनसक्ने अनुमान छ ।
सम्बन्धित समाचारः
सम्बन्धित खबर
२६औँ आहा ! रारा पोखरा गोल्डकप माघ ५ गतेदेखि
र्याफ्टिङमा पोखराको अपर सेतीमा पर्यटकको आकर्षण
पोखरा–दुबई उडानको एक वर्षको टिकट बुकिङ खुला
संगीत तथा नाट्य प्रज्ञा प्रतिष्ठानका प्राज्ञहरूद्वारा सुझाव संकलन
पोखरा बस दुर्घटनाको छानबिन गर्न महानगरले बनायो समिति
पोखरामा स्कुल बस दुर्घटना, ४ विद्यार्थीसहित ५ जनाको मृत्यु
यो पनि पढौँ
पोखरामा स्कुटर दुर्घटना हुँदा कुँवरको मृत्यु
आईजीपी कार्कीलाई राजीनामा दिन प्रधानमन्त्री बालेन टीमको दबाब !
जीर्ण पोल र गुजुल्टिएका तार हटाएपछि फर्कियो पोखराको सौन्दर्य
असोज २५ को बूढीगण्डकी बाढीमा फसेको कुकुर भोकै, उद्धारका लागि स्थानीयको अपिल