पोखरा नदीपुर स्थित प्रतिभा मावि अतिरिक्त क्रियाकलाप विभागले विद्यार्थीको अन्तरनिहीत क्षमता प्रस्फुटन गर्न प्रतिभा आइडल २०८१ आयोजना गरेको छ ।

वित्त निर्देशक विश्वगोपाल पराजुलीको अध्यक्षतामा भएको समारोहमा प्रमुख अतिथि प्राचार्य किरण सापकोटाले यस्ता कार्यक्रमले विद्यार्थीको अन्तरनिहीत क्षमता उजागर हुने र सानै उमेरदेखि आफ्नो कला कौशल फक्रनका लागि प्लेटफर्म अवसर प्रदान गरेको बताए ।

प्राचार्य सापकोटाले शैक्षिक पात्रोमै यस कार्यक्रमलाई उल्लेख गरी प्राथमिकताका साथ निरन्तरता दिइएको उल्लेख गरे ।

प्रतिभा आइडलमा कक्षा ६ देखि १० सम्म सहभागी थिए । कक्षागत प्रतिष्पर्धामा ५१ समूह व्यक्तिगत तथा समूहगत रुपमा सहभागी थिए ।

कक्षा ६ तर्फ सवार्णि बास्तोला प्रथम, सम्पदा अर्याल द्वितीय, एन्जिला नेपाल समूहको तृतीय भए । कक्षा ७ तर्फ प्राप्ति पौडेल प्रथम, आयुश्री तिमिल्सिना र आशिमा सेनको समूह द्वितीय, नमुना सुवेदीको समूह तृतीय भयो ।

कक्षा ९ र १० तर्फ एभरग्रिन केसी प्रथम, शुलभ के भण्डारीको समूह द्वितीय र प्रमित पाण्डेको समूह तृतीय भयो ।

अतिरिक्त क्रियाकलाप प्रमुख प्रकाश अधिकारीको संयोजनमा भएको कार्यक्रममा कक्षा ९ सी का विद्यार्थी दिक्षान्त थापाले कार्यक्रमको सञ्चालन गरेका थिए ।