पोखरा । पोखरा महानगरपालिका वडानम्बर १४ मा जारी वडाअध्यक्ष कप अन्तर वडास्तरीय पुरुष भलिबल प्रतियोगिता अन्र्तगत सेमिफाइनलका पुग्ने टिमको टुन्गो लागेको छ । मनोहर युवा क्लवको खेलमैदानमा जारीे प्रतियोगितामा शुक्रबार भएका खेलबाट वडानम्बर २३, १९, १६ र २१ सेमिफाइनलमा प्रवेश गरेका छन् ।

सेमिफाइनलमा वडानम्बर २३ ले वडानम्बर १९ को सामना गर्ने छ, भने वडानम्बर १६ ले २१ को सामना गर्ने छ ।

वडानम्बर २१ ले वाकओभर दिदा २३ स्वत सेमिफाइनलमा पुगेको हो । यस्तै अर्को खेलमा वडानम्बर २१ ले जित निकाल्यो । वडानम्बर २१ को (दोस्रो) टिमले ले वडानम्बर २८ लाइ ३–० को सोझो सेटमा पछी पादै खेल जितेको हो । वडानम्बर १९ ले वडानम्बर १३ लाख ३–० को सोझो सेटमा सहज जित निकाल्दै सेमिफाइनल प्रवेस गर्यो । वडानम्बर १६ ले १५ लाई ३–१ को सेटमा पराजित गर्दै समिफाइनलमा पुगेको हो ।

प्रतियोगिता अन्तरगत शनिबार सेमिफाइनल र फाइनल खेल हुने प्रतियोगिताका प्रचारप्रसार संयोजक रामजी जिसीले जानकारी दिए । तेस्रो स्थानका लगि पनि भोली नै खेल खेलाइने छ ।

प्रतियोगितामा पोखरा महानगरपालिका अन्तरगतका १३ टिमको सहभागिता रहेको छ ।

प्रतियोगिता विजेताले १ लाख १ हजार ४१४, उपविजेताले ५५ हजार १४, तेस्रो हुनेले २५ हजार १४ र सान्त्वना हुने वडाले १५ हजार १४ रुपैया पुरस्कार पाउने छन् ।

त्यस्तै विधागत तर्फ ५ खेलाडीलाइ पुरस्कृत गरिनेछ । सर्वोत्कृष्ट खेलाडीले ७ हजार १४ पुरस्कार पाउने छन् भने उत्कृष्ट ४ खेलाडी जनही ५ हजारका दरले पुरस्कृत हुनेछन् ।

पोखरा महानगरपालिका वडानम्बर १४ को आयोजना खेलकुद विकास समिति वडानम्बर १४ को व्यवस्थापन र मनोहर युवा क्लबको सहकार्यमा प्रतियोगिता आयोजना गरिएको हो ।