पोखरा । पोखरामा जारी दोस्रो केपी ओली कप टि–२० राष्ट्रिय खुल्ला क्लब स्तरीय पुरुष क्रिकेटमा आइतबार एकै समूहका दुई खेल सम्पन्न भएका छन् ।

मदन भण्डारी स्पोट्र्स एकेडेमीको आयोजनामा पोखरा रंगशालास्थित क्रिकेट मैदानमा जारी प्रतियोगिताको समूह ‘ए’ बाट दुई खेलमा जित हासिल गर्दै सिइसी काठमाडौं सेमी फाइनल प्रवेशको सम्भावनालाई बलियो बनाएको छ ।

१२७ रनको विजयी लक्ष्य पाएको काठमाडौंले १४.१ ओभरमा ३ विकेट गुमाउँदै १२७ रन पुरा गर्‍यो । काठमाडौंका लागि दिपेन्द्र रावतले ४९ रनको योगदान दिंदै क्याच आउट भए । उनले ४२ बलमा ५ चौका र २ छक्का प्रहार गरे । ओपनर रित गौतमले २३ बलमा ६ चौका र १ छक्काको मद्धतमा ३८ रन बनाउँदै क्याच आउट भए । पृथु बास्कोटा २१ रनमा र अर्जुन घर्ति ७ रनमानट आउट रहे । पृथुले १४ बलमा १ चौका २ छक्का प्रहार गरे भने अर्जुनले २ बलमा १ छक्का प्रहार गरे । स्याङजाका लागि अस्विनी रानाले २ तथा किरण भट्टराईले १ विकेट लिए । काठमाडौंले यस अघि हेटौडालाई हराएको थियो ।

त्यस अघिटस जितेर व्याटिङ थालेको स्याङ्जाले २० ओभरमा ७ विकेट गुमाउँदै १२६ रन बनायो । ओपनर करणपंगेनी १४ रनमा आउट भए । १४ बलमा उनले १चौका र १ छक्का प्रहार गरे । इश्वर क्षेत्रीले ३४ रनको योगदान दिए । उनले २४ बलमा ४ चौका र २ छक्का प्रहार गरे । मिलन क्षेत्री ३, विशाल कोइराला १७, सन्दीप खत्री क्षेत्री १, सुजन गौतम ११, अस्विनि राना २ रनमा आउट भए । किरण भट्टराई १५ र लक्ष्मण डुम्रे ११ रनमा नट आउट रहे । काठमाडौका लागि दिपेन्द्र रावतले ४ ओभरमा एक मेडन सहित ११ रन खर्चेर सर्वाधिक ४ विकेट लिए ।उनी खेलको म्यान अफदी म्याच घोषित भए । यस्तै मनोज यादव, युनिश विक्रम सिंह र सुर्य तामाङले समान १/१ विकेट लिए ।

सोही समुहको अर्को खेलमा हेटौंडा स्पोट्र्स एकेडेमीले पोखरा महानगरपालिका क्रिकेट क्लबलाई ४ विकेटले हरायो । ७२ रनको सामान्य लक्ष्य पाएको हेटौंडाले १२ ओभरमा ६ विकेट गुमाउदै पूरा गर्‍यो ।

हेटौंडाका ओपनर गौरव खड्काले ३४ रनको उत्कृष्ट पारी खेल्दै क्याच आउट भए । उनले ३२ बल ४ चौका समेत प्रहार गरे । राम नरेश गिरि १४ र अकिलेश ठाकुर ८ रनमा नटआउट रहे । गिरिले १० बलमा १ चौका र १ छक्का प्रहार गरे भने ठाकुरले ८ बलमा १ चौका प्रहार गरे ।
शुभ कंशाकार, युविन बुढाथोकी शुन्य मै आउट भए । सुमन सुनार ६, विशाल फुयाल ३, सक्षम बस्ताकोटी ४ रनमा आउट भए ।

पोखराका लागि सुवास बास्तोला र अन्जन केसिले २/२ तथा समीर भुजेल र मार्सल बरालले १/१ विकेट लिए ।

त्यस अघि टस जितेर व्याटिङ थालेको पोखरा १६.५ ओभरमा अलआउट हुन पुग्यो । पोखराका ओपनर दिपक बरालले १४ रन जोडे । सुमित श्रेष्ठले पोखराका लागि सर्वाधिक २६ रनको योगदान दिए । उनले ३९ बलमा ३ चौका प्रहार गरे । प्रमोद बास्तोलाले २२ रन जोड्नु बाहेक अन्य ब्याट्स म्यानले दोहोरो अंक जोड्न सकेनन् ।

धिरज अधिकारी २, कविन सापकोटा १(रन आउट), मार्सल बराल १(रन आउट), सुवास बास्तोला १ रनमा आउट भए भने विष्णु प्रसाद शर्मा, साहिल पौडेल र अन्जन केसि शुन्य मै आउट भए । हेटौंडाका लागि असिम श्रेष्ठ र अकिलेश ठाकुरले समान ३/३ विकेट लिए भने सांसद अलिमन्सिरीले २ विकेट लिए ।

समूह ए मा काठमाडौंले आफ्नो शिर्ष स्थानका लागि सम्भावना बलियो बनाए पनि भोलि पोखरा संग हारेको खण्डमा भने हेटौंडा र स्याङजाको समेत सम्भावनाको ढोका खोल्नेछ । प्रतियोगितामा भोलि तेस्रो दिन समूह ‘ए’तर्फको पोखरा महानगरपालिका र काठमाडौं तथा सोहि समूहको हेटौडा र स्याङ्जा बिच खेल हुनेछ ।