पोखरा, २९ चैत

बागलुङ सेवा समाज कतार बहुउद्देश्यीय अक्षयकोषले बागलुङ जिल्लामा शिक्षा ,स्वास्थ्य, खेलकुद र कलासाहित्यको क्षेत्रमा काम गर्ने गरी १ करोड रुपैयाँको अक्षयकोष स्थापना गर्ने भएको छ ।

बाग्लुङमा जन्मेर कतारमा रही विभिन्न पेशा व्यवसायमा रहेका व्यक्तिको सहयोगमा समाजले यो अभियान सञ्चालन गरेको हो । समाजको ‘बागलुङबासीको चाहना, शान्त समृद्ध स्वदेशको कामना’ भन्ने मूल नाराका साथ बागलुङ सेवा समाज दोहा, कतारको संरक्षणकत्वमा बाग्लुङ सेवा समाज कतार बहुउद्देश्यीय अक्षयकोष स्थापना गरिएको छ ।

अक्षयकोषमा अहिलेसम्म करिब ४० लाख रुपैयाँ सङ्कलन भइसकेको बाग्लुङ सेवा समाज कतार बहुउद्देश्यीय अक्षयकोष तदर्थ समितिका संयोजक सन्तोष पौडेलले जानकारी दिए ।

‘कोहि पनि बालबालिका सामान्य शैक्षिक सामग्री तथा पोशाकको अभावमा विद्यालय जानबाट वञ्चित हुनु नपरोस् भन्ने ध्येयका साथ यो अभियान सुरु गरेका हौँ ।’ पौडेलले भने – ‘देश तथा बिदेशमा रहँदा विभिन्न व्यक्ति समस्यमा पर्दा समाजबाट सहयोगको अपेक्षा गरिने भएकाले छिटो र छरितो रूपमा सहयोग पु¥याउन सकियोस् भन्ने उद्देश्यले कोष स्थापना गरिएको हो ।’

बाग्लुङ सेवा समाज कतार बहुउद्देश्यीय अक्षयकोषको प्रथम अधिवेशन यही अप्रिल १८ तारिख, शुक्रबार होटेल होलिडे भिल्ला दोहामा हुँदैछ ।

अधिवेनमा प्रमुख अतिथि नेपाल उद्योग वाणिज्य महासघका अध्यक्ष चन्द्रप्रसाद ढकाल प्रमुख अतिथि रहनेछन् । सोहि अधिवेशनका अवसरमा सांस्कृतिक साँझ पनि हुने कार्यक्रम संयोजक रमेश भट्टले जानकारी दिए ।

सांस्कृतिक साँझमा नेपालबाट दुई कलाकारहरु रेमश निर्दोष र सिम्रन परियार सहभागी हुने आयोजकले जानकारी दिएको छ । आफ्नै जिल्लाका नवोदित कलाकारहरूलाई प्रवर्द्धन गर्नका लागि कलाकारद्वयलाई कतारमा आमन्त्रण गरिएको आयोजक पक्षको भनाई छ ।