दोहा कतार । नेपाल उद्योग वाणिज्य महासंघका अध्यक्ष चन्द्रप्रसाद ढकाल कतारको दोहा आइपुगेका छन् । बागलुङ सेवा समाजको प्रथम अधिवेशनमा प्रमुख अतिथिको रुपमा सहभागी हुन बागलुङ गृहजिल्ला रहेका ढकाल कतार आएका हन् ।

बाग्लुङमा जन्मेर कतारमा रही विभिन्न पेशा व्यवसायमा रहेका व्यक्तिको सहयोगमा समाजले यो अभियान सञ्चालन गरेको हो । समाजको ‘बागलुङबासीको चाहना, शान्त समृद्ध स्वदेशको कामना’ भन्ने मूल नाराका साथ बागलुङ सेवा समाज दोहा, कतारको संरक्षणकत्वमा बाग्लुङ सेवा समाज कतार बहुउद्देश्यीय अक्षयकोष स्थापना गरिएको छ ।

ढकाललाई स्वागत गर्नेको लागि समाजका अध्यक्ष निराजन गौतम, सल्लाहकार तथा अक्षयकोष तदर्थ समितिका संयोजक सन्तोष पौडेल लगायतको टोली कतारको हमद अन्तर्राष्ट्रिय विमानस्थल पुगेका थिए ।

बाग्लुङ सेवा समाज कतार बहुउद्देश्यीय अक्षयकोषको प्रथम अधिवेशन यही अप्रिल १८ तारिख, शुक्रबार होटेल होलिडे भिल्ला दोहामा हुँदैछ ।

अक्षयकोषमा ५५ लाख रुपैयाँभन्दा बढी संकलन भइसकेको छ ।