स्याङ्जाका सबै स्थानीय तह पूर्णखोप सुनिश्चित तथा दिगोपना पालिका घोषणा भएका छन् । जिल्लाका ११ वटै पालिकाले बालबालिकालाई राष्ट्रिय खोप तालिकाअनुसार सबै खोप उपलब्ध गराएपछि पूर्णखोप सुनिश्चित घोषणा गरिएको हो ।
प्रदेश जनस्वास्थ्य कार्यालय स्याङ्जाका प्रमुख रामबहादुर नेपालीका अनुसार जिल्लाभर कुनै पनि बालबालिका खोप सेवाबाट वञ्चित नहोस् भन्ने उद्देश्यसहित स्थानीय तहहरूले निरन्तर काम गरिरहेका छन् । उनले पालिका र स्वास्थ्य कार्यालयबीचको समन्वयले खोप कार्यक्रम प्रभावकारी बन्दै गएको बताए ।
जिल्ला सदरमुकाम पुतलीबजार नगरपालिकामा १६ देखि २३ महिनासम्मका ४८१ जना बालबालिका पूर्णखोप सुनिश्चित भएका छन् । त्यसैगरी वालिङ नगरपालिकामा ४०६, गल्याङ नगरपालिकामा ३०५, चापाकोट नगरपालिकामा १९४ र भीरकोट नगरपालिकामा २१३ जना बालबालिकाले पूर्ण खोप पाएका छन् ।
यस्तै अर्जुनचौपारी गाउँपालिकामा ११३, हरिनास गाउँपालिकामा ८२, आँधीखोला गाउँपालिकामा ८३, कालीगण्डकी गाउँपालिकामा २१७, बिरुवा गाउँपालिकामा ११३ र फेदीखोला गाउँपालिकामा ८९ जना बालबालिका पूर्णखोप सुनिश्चित भएका छन् ।
प्रदेश जनस्वास्थ्य कार्यालयका अनुसार जिल्लाभर कुल दुई हजार २९६ जना बालबालिकाले आवश्यक सबै खोप पाएसँगै स्याङ्जा पूर्णखोप सुनिश्चित जिल्ला बनेको हो ।
खोप कार्यक्रमलाई दिगो, नियमित र प्रभावकारी बनाउने लक्ष्यसहित स्थानीय तह र स्वास्थ्य निकायले संयुक्त रूपमा अनुगमन तथा सचेतनामूलक अभियानलाई पनि निरन्तरता दिएका छन् ।
This will close in 4 seconds
सम्बन्धित खबर
स्याङ्जा प्रवेश गर्ने पर्यटकका लागि प्रहरीको क्यूआर सेवा, एकै स्क्यानमा यात्रासम्बन्धी सम्पूर्ण जानकारी
स्याङ्जामा पर्यटकको नयाँ गन्तव्य : म्हाँजु भञ्ज्याङ बन्दै आकर्षण
स्याङ्जाका ११ स्थानीय तहको बजेट सार्वजनिक, ल्याए झण्डै ७ अर्बको बजेट
स्याङ्जामा जिप दुर्घटना हुँदा एक जनाको मृत्यु, २० जना घाइते
राम्दी–गल्याङ नाकाबाट पर्यटकलाई स्वागत, स्याङ्जाले सुरु गर्यो नयाँ पर्यटन अभियान
२५ वर्षअघि चोरी मुद्दामा सजाय तोकिएका फरार प्रतिवादी पक्राउ
यो पनि पढौँ
रवि लामिछानेसँग सभापति भिड्न आँटेका साहलाई प्रतिनिधिबाट हटाइयो
फेवातालमा बेपत्ता युवकको शव फेला
जेठी श्रीमती मार्दा कैद मिनाहा पाएका यामबहादुरले कान्छीलाई पनि बाँकी राखेनन्
खगेन्द्र सुनारको क्षुद्र टिप्पणीप्रति रास्वपा प्रवक्ताले भनेः घरमा बोलाएको पाहुनालाई त्यस्तो टिप्पणी गर्नु गलत हो