सुनसरी- राष्ट्रिय स्वतन्त्र पार्टी (रास्वपा) कोशी प्रदेश समितिको प्रथम अधिवेशनमा सभापति पदमा पराजित भएपछि गोमा तामाङ सरिनले राजनीतिबाट अलग भएको घोषणा गरेकी छन्।

प्रदेश सभापतिमा चन्द्र राई विजयी भएपछि उनले ‘राजनीतिक बिट मारेको घोषणा गरेकी हुन्। उनले फेसबुकमा लेखेकी छन्,‘आजबाट राजनीतिक बिट मारेँ। मतदाता सम्पूर्ण साथीहरूलाई हार्दिक धन्यवाद व्यक्त गर्दछु।’ निर्वाचन कमिटीले अन्तिम मतपरिणम सार्वजनिक गर्नुअघि नै सरिनले राजनीति त्यागेको घोषणा गरेकी हुन् ।

अधिवेशनमा खसेकाे ७०२ मतमा राईले २८० मत ल्याएर निर्वाचित भएका हुन् । राईसहित सभापतिका लागि चन्द्रकुमार गौली, सरिन तामाङ र खगेन्द्र कटुवाल उम्मेदवार भएका थिए ।

अधिवेशनमा राईले २८० मत ल्याउँदा निकटमत प्रतिद्वन्द्वी सरिन तामाङले १४१, कटुवालले ४१ र गौलीले २७ मत ल्याएका थिए ।

तामाङले माथिको ह्वीप भन्दै गुटबन्दी गरेर हराएको पनि दाबी गरेकी छन् ।

सरिन २०७९ र २०८२ को प्रतिनिधि सभा निर्वाचनमा सुनसरी क्षेत्र नम्बर १ बाट दुई पटक पराजित भइसकेकी छन् । पछिल्लो पटक उनलाई श्रम संस्कृतिका हर्कराज राईले हराएका थिए ।